Gunung Batu

Ti Wikipédia Sunda, énsiklopédi bébas

Gunung Batu nyaéta salasahiji tempat wisata nu aya di Lembang, Kabupaten Bandung Barat.[1] Wisata Gunung Batu ku masarakat sok disebut ogé Patahan Lembang, lantaran gunung nu miboga relief lava ieu jadi bukti ayana Patahan Lémbang.

Lokasi[édit | édit sumber]

Sanajan jarakna kawilang jauh ti Kota Bandung, di ieu lokasi para wisatawan bisa ningali kaendahan Bandung tina 1.228 mdpl. Saluyu jeung ngaran tempat wisatana, Gunung Batu mangrupa dingding alam tina batu-batu gedé. Perenahna aya di Desa Pasirwangi, Kecamatan Lembang, Kabupaten Bandung Barat. Gunung Batu dilingkung ku gunung-gunung nu ngalingkung Bandung, di antarana; Gunung Tangkuban Parahu, Gunung Burangrang, Gunung Putri, Gunung Palasari jeung Gunung Manglayang.[1]

Sajarah[édit | édit sumber]

Kasang tukang kawentukna Gunung Batu jadi padungdengan di salasaiji topik bahasan ku komunitas Lembang Heritage jeung Heritage Lover. Disalusur tina proses kawentukna, Gunung Batu mangrupa hasil tina letusan Gunung Sunda nu nyababkeun kosongna kantung magma di sabudeureun Lembang. Hal éta nu nyababkeun lempengan bumi kabagi jadi dua bagian. Bagian kaler turun jadi dataran rendah, sedengkeun bagian kidulna kaangkat, nu ayeuna jadi Gunung Batu.[2]

Fasilitas[édit | édit sumber]

Unggal wisatawan nu ngajugjug Gunung Batu, sok dibarengan ku pemandu pikeun ngajelaskeun proses ayana Gunung Batu, Patahan Lembang, ogé dijentrekeun ngeunaan cekungan Bandung jeung Gunung Sunda. Udaganna nyaéta sangkan masarakat hususna wisatawan nu datang maham kana bahaya Patahan Lembang nu bisa nyababkeun gempa bumi. [2] Sanajan kitu, Gunung Batu sok dijadikeun tempat wisata edukatif pikeun siswa atawa mahasiswa. Salian ti eta, Gunung Batu ogé sok dijadikeun tempat kemping atawa rekreasi lianna.[2]

Dokumentasi kunjungan SMAN 24 Bandung taun 2013

Rujukan[édit | édit sumber]

  1. a b Liputan6.com. "Menyapa Kota Bandung dari Gunung Batu Lembang". liputan6.com. http://regional.liputan6.com/read/3090226/menyapa-kota-bandung-dari-gunung-batu-lembang. Diakses pada 2018-01-18  Archived 2018-01-15 di Wayback Machine
  2. a b c "Menyibak Ancaman Patahan Lembang dari Ketinggian Gunung Batu" (dalam bahasa id). Pikiran Rakyat. 2017-09-10. http://www.pikiran-rakyat.com/bandung-raya/2017/09/10/menyibak-ancaman-patahan-lembang-dari-ketinggian-gunung-batu-409152. Diakses pada 2018-01-18