Hansip

Organisasi Pertahanan Sipil biasa disingget Hansip nyaéta salah sahiji satuan pertahanan jeung kaamanan nu dibentuk ku pamaréntah di Indonésia. Dumasar Képprés No. 55 taun 1972 yén Organisasi Pertahanan Sipil dina sistim Hankamrata mangrupa komponén Hankam jeung komplemén ABRI.^[1] Organisasi Hansip dibubarkeun taun 2014 ku Présidén S.B Yudhoyono liwat Perprés Nomer 88 Taun 2014. Hansip ogé dipikawanoh ku sebutan Linmas.

Pedaran

Pembinaan poténsi rahayat pikeun kapentingan Hankam tujuanna pikeun ngaaubkeun rahayat sacara tertib jeung kaatur dina Pertahanan Kaamanan Nasional sangkan kaciptana hiji bentuk Pertahanan Kaamanan Nasional nu lumandas Rahayat Samesta. Tuluy ngahimpun poténsi rahayat dina Pertahanan Sipil jeung Perlawanan Kaamanan Rahayat, sarta méré latihan-latihan kaparigelan nu patali jeung tugas kawajiban sarta sisiapan.^[2]

Pihak militér méré palatihan pikeun Hansip jeung méré pakarang. Pasukan Hansip dibentuk di unggal désa, anggahotana diangkat ti masarakat. Sistim pertahanan jeung kaamanan nasional Indonésia diadasarkeun kana prinsip "pertahanan jeung kaamanan sacara sagemblengna" nu hartina yén ABRI jeung masarakat Indonésia sacara sagemblengna babarengan tanggung jawab dina ngajaga kaamanan jeung pertahanan nagara. Organisasi Pertahanan ku masarakat sipil tanggung jawab kana perkara-perkara nu patali jeung kaamanan sarta kateraturan jeung kudu mantuan rahayat di padésaan dina kaayaan genting. Hansip aya di handapeun pangawasan Bupati jeung Gubernur pamaréntah daérah.

Dasar hukum

Dasar hukum tina pabentukan milisi sipil nyaéta Undang-undang No. 20/1982 ngeunaan Pokok-Pokok Kaamanan jeung Pertahanan Nagara, nu ngangken hak unggal warga nagara pikeun ngabéla nagara. Dumasar Képprés No. 55 taun 1972 yén Organisasi Pertahanan Sipil dina sistim Hankamrata mangrua komponén Hankam sarta komplemén ABRI.

Présidén SBY liwat Paraturan Présiden Nomer 88 Taun 2014, nu ditandatanganna tanggal 1 Séptémber 2014, nyabut Kaputusan Présidén Nomer 55 Taun 1972 ngeunaan Panjampurnan Organisasi Pertahanan Sipil (Hansip) jeung Organisasi Perlawanan jeung Kaamanan Rahajat (Wankamra) Dina Raraga Panertiban Palaksanaan Sistim Hankamrata. Tinimbangan éta panyabutan Képprés Nomer 55 Taun 1972 ogé dimaksudkeun pikeun nuturkeun Paraturan Pamaréntah Nomer 6 Taun 2010, nu nyebutkeun tugas jeung fungsi nu patali jeung katertiban umum, katengtreman masarakat, sarta perlindungan masarakat kiwari geus dilaksanakeun ku Satuan Polisi Pamong Praja (Satpol PP).

Tempo ogé

Pertahanan nagara

Rujukan

↑ VIVA.co.id, PT. VIVA MEDIA BARU - (2014-09-15). "SBY Cabut Wewenang Hansip - VIVA.co.id" (dalam bahasa id). http://www.viva.co.id/berita/nasional/538506-sby-cabut-wewenang-hansip. Diakses pada 2017-10-12
↑ Liputan6.com. "Presiden SBY Cabut Keppres 55/1972, Hansip Kini Tingal Kenangan". liputan6.com. http://news.liputan6.com/read/2106830/presiden-sby-cabut-keppres-551972-hansip-kini-tingal-kenangan. Diakses pada 2017-10-12

[1] VIVA.co.id, PT. VIVA MEDIA BARU - (2014-09-15). "SBY Cabut Wewenang Hansip - VIVA.co.id" (dalam bahasa id). http://www.viva.co.id/berita/nasional/538506-sby-cabut-wewenang-hansip. Diakses pada 2017-10-12

[2] Liputan6.com. "Presiden SBY Cabut Keppres 55/1972, Hansip Kini Tingal Kenangan". liputan6.com. http://news.liputan6.com/read/2106830/presiden-sby-cabut-keppres-551972-hansip-kini-tingal-kenangan. Diakses pada 2017-10-12

[1]

[2]