Adnan Oktar

Harun Yahya

Harun Yahya nyaéta ngaran pena ti Adnan Oktar anu lahir di Ankara taun 1956. Salaku saurang da'i jeung ilmuwan kasohor asal Turki, manéhna pohara ngajungjung luhur ajén akhlaq sarta ngabdikeun hirupna pikeun ngadakwahkan ajaran agama ka masarakat. Manéhanana tambah kasohor nalika ngaruntugkeun téori Evolusi Darwin.

Biografi

Adnan Oktar mimiti perjuangan intelektualna taun 1979, nyaéta nalikas sakola di Akademi Seni, Universitas Mimar Sinan. Salila aya di universitas éta, manéhna ngalakonan pengkajian anu jero ngeunaan sagala rupa filsafat jeung idéologi materialistik anu pohara mangaruhan ka masarakatna. Hal ieu ngajadikeun manéhna leuwih nyaho sarta maham dibandingkeun jeung pakar filsafat atawa idéologi éta sorangan. Mawa bekel informasi jeung pangaweruh anu jero ieu, manéhna nulis sagala rupa buku ngeunaan bahaya Darwinisme jeung téori evolusi, anu mangrupa ancaman ka ajén inajén akhlaq, sarta buku ngeunaan runtuhna téori ieu ku élmu pangaweruh. Majalah ilmiah populér New Scientist édisi 22 April 2000 nunjuk Adnan Oktar salaku "pahlawan dunia" anu geus mecahkeun téori evolusi sarta ngébréhkeun fakta ayana penciptaan. Harun Yahya geus ngahasilkeun sagala rupa karya ngeunaan Zionisme jeung Freemasonry, sarta ratusan buku anu nalungtik ngeunaan akhlaq dina Al-qur'an sarta bahasan-bahasan séjén anu aya patalina jeung akidah.

Karyana

Tangan Rahasia di Bosnia, Kebohongan Holocaust, Di Balik Tirai Terorisme, Kartu-Kurdi Israel, Strategi Nasional bagi Turki, Moral Qur'ani: Solusi, Permusuhan Darwin Terhadap Bangsa Turki, Bencana Kemanusiaan Akibat Ulah Darwinisme, Kebohongan Teori Evolusi, Bangsa-Bangsa Yang Diadzab, Nabi Musa, Zaman Keemasan, Keagungan Warna Ciptaan Allah, Kebesaran Allah di Setiap Sudut Alam Semesta, Hakikat Kehidupan Dunia, Pengakuan Kaum Evolusionis, Kekeliruan Kaum Evolusionis, Sihir Darwinisme, Agama Darwinisme, Al-Qur'an Menuntun Kepada Ilmu Pengetahuan, Asal Usul Kehidupan yang Sesungguhnya, Penciptaan Alam Semesta, Keajaiban Al-Qur'an, Desain Pada Alam, Perilaku Pengorbanan Diri dan Kecerdasan Pada Dunia Hewan, Keabadian Telah Berlangsung, Anakku Darwin Telah Berbohong!, Berakhirnya Darwinisme, Bagaimana Seorang Muslim Berpikir?, Keabadian dan Hakikat Takdir, Jangan Berpura-Pura Tidak Tahu, Misteri DNA, Keajaiban Atom, Keajaiban Sel, Keajaiban Sistem Kekebalan, Keajaiban Mat, Keajaiban Penciptaan Tumbuhan, Keajaiban Laba-Laba, Keajaiban Semut, Keajaiban Nyamuk, Keajaiban Lebah, Keajaiban Biji, Keajaiban Rayap.

Tina sakabéh buku karya Harun Yahya, kabéh topik anu ditepikeun pohara luyu jeung ajaran Al-qur'an. Komo topik-topik anu ditepikeun ngaliwatan basa ilmiah, anu sakapeung dianggap rumit sarta ngabingungkeun, dijéntrékeun kalayan lugas jeung écés. Buku-buku anu ngabahas ngeunaan kaimanan ngajelaskeun ngeunaan ayana jeung kaésaan Alloh, sarta ditulis pikeun nepikeun Islam ka maranéhanana anu laér ti agama sarta muka haté maranéhanana sangkan narima bebeneran. Pikeun Muslim, buku-buku ieu eusina ngeunaan nasehat sarta pépéling.

Rujukan

Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan.