Internet game

Ti Wikipédia, énsiklopédia bébas
Luncat ka: pituduh, sungsi

Internét game nyaéta vidéo game nu dipaenkan ngaliwatan jaringan komputer nu dipaenkeuna maké komputer pribadi (PC) atawa konsol game. Jaringan nu dipaké biasana jaringan internet atawa sajenisnya, tapi game memang sok maké teknologi nu pangmutahirna. Contona bareto basa can aya internet game maké modem, basa can aya modem, game maké kabel jang nyambungkeun antar komputer.

Definisi[édit | édit sumber]

"Permainan Online (Online gaming) leuwih dihartikeun minangka teknologi tibatan genre, hiji cara paragi nyambungkeun para pamaen daripada alur permaenan (gameplay)"."[1] Kaulinan online (online games) dipaenkeun ngaliwatan jaringan komputer, jaringan nu dipaké biasana jaringan internet. Hiji kauntungan dina permaenan online ieu nyaéta bisana hiji pamaen maen gim jeung batur, tapi teu kabéh, soalna maen sorangan ge bisa wae. Kauntungan kadua nyaéta lolobana permaenan online mah biasana tara mayar alias gratis. Salian ti éta kauntungan nu katilu nyaéta lobana pariasi permainan nu disadiakeun jang para pamaen (kumaha kahayang pamaen).

Permaenan Tetembakan[édit | édit sumber]

Asalna dina taun 90an mah gim onlen tetembakan téh dipaenkeuna maké protokol jaringan LAN (siga IPX), tuluy lambat laun pindah protokol ka protokol internet maké protokol TCP/IP. Gim Doom ngamasyhurkeun jenis permainan nu ngarana ngadu jiwa (déathmatch), di mana dina gim jenis ieu para pamaen perang sapaehna. Ti mimiti eta, loba gim tetembakan séjén nu ngasupkeun komponen ngadu jiwa kana gim na. Dina kapopuleran, gim tetembakan beuki dieu beuki nyebar ka sakuliah dunya. Jeung deuih gim tetembakan beuki dieu beuki ngembangkeun senina maen gim, sabab perlu strategi jeung kamampuan nu hade lamun urang hayang lana maen gim tetembakan. Beh dieu loba diayakeun kompetisi gim tetembakan keur ngawadahan para pamaen nunjukeun kamampuhna. Gim-gim nu masyhur dikompetisikeun di antarana Hali, Modern Warfare 3 jeung Unréal Tournament. Hadiah kompetisi nu kieu biasana duit atawa hardware komputer.

Permaenan Strategi Waktu Nyata[édit | édit sumber]

Permaenan Strategi Waktu Nyata (réal Time Strategy) biasanya nyadiakeun fasilitas permaenan ngaliwatan modem atawa jaringan lokal. Barang dina taun 90an Internet mimiti sohor, pencipta gim tuluy weh nyadikeun fasilitas nu ngamungkinkeun permaenan nu asalna dina protokol LAN bisa disalurkeun kana Internet. Taun 90an akhir, ampir kabéh gim jenis kieu nyadiakeun dukungan Internet, hal ieu ngamungkinkeun para pamaen di sakuliah dunya bisa maen babarengan. Sababaraha pelayanan diciptakeun ngarah para pamaen bisa maen jeung batur sacara otomatis. Aya ogé semacam ruangan tempat para pamaen ngobrol saméméh atawa sanggeus maen.

Permaenan Onlen platform silang[édit | édit sumber]

Sanggeus konsol gim beuki jiga komputer, permaenan onlen beuki euyeub. Pas gim onlen rame di pasar, jaringan terbuka jiga Dréamcast, PlayStation 2, Nintendo jeung Xbox ngamanfaatkeun fungsi onlen na jeung gim nu versi PC na. Gim jiga Léague of legends "Phantasy Star Online" boga fungsi sorangan dina sababaraha konsol gim. Para pamaen Dréamcast, PC, Macintosh jeung GameCube bisa silih pake hiji server. Gim-gim awal jiga 4x4 Evolution, Quake III jeung Need for Speed: Underground ogé boga fungsi nu sarua nu ngamungkinkeun konsol jeung PC maké server nu sarua. Biasana, perusahaan jiga Electronic Arts atawa Sega ngajalankeun server tepika teu aktif, sarta server pribadina nu maké DNS sorangan berfungsi. Format jaringan bébas ieu boga hiji kauntungan leutik dina konsol anyar kaluaran Sony jeung Microsoft nu manéhna nyieun server sorangan jang konsumerna.

Gim Browser[édit | édit sumber]

Sanggeus WWW, (World Wide Web) dikembangkeun jeung browser WWW beuki hade, jelema-jelema di dunya gim nyieun gim anyar nu katelahna gim browser nu ngagunakeun browser jiga firefox minangka klien. Gim sorangan nu simpel bisa dipaenkeun maké web browser ngaliwatan teknologi HTML jeung script HTML (HTML Scripting), nu loba dipaké nyaéta Javascript, ASP, PHP jeung MySQL. Gim nu leuwih kompleks jiga Legend of Empires atawa Travian bisa nyambung ka server web ngarah maena bisa lobaan (multiplayer).

Dikembangkeuna teknologi gambar basis web jiga Macromedia Flash, jeung bahasa Java, ngabalukarkeun gim browser jadi beuki kompleks. Gim-gim jiga kieu sok disebut ogé gim Flash atawa gim Java, beh dieu beuki sohor. Loba gim nu dijieuna dina taun 80an jiga Pac-Man jeung Frogger, dijieun deui maké Flash dina hiji halaman web. Lolobana gim browser ngawates jumlah pamaen, lolobana mah sidik nu maenna ngan hiji tapi boga daftar high score nu nyatet permaenan tiap pamaen. Beh dieu hal ieu geus mulai robah, contona nyaéta Castle of Heroes atawa Canaan Online.

Beh dieu pisan, gim browser maké teknologi web jiga Ajax ngarah permaenan lobaan beuki alus, jeung interaksi antar pamaen beuki hade. Salian ti eta, teknologi WebGL beh dieu ge digunakeun ngarah gambar 3D bisa dijieun tanpa kudu maké plugin. Resiko gim browser kaitung leuting sabab teu loba teuing maké bandwidth, sababaraha gim malahan teu butuh bandwidth.

MUDs[édit | édit sumber]

MUDs nyaéta salah sahiji jenis dunya maya, biasana -tapi teu kabéh- nyaéta berbasis teks. Gim jenis ieu sejarahna nyaéta ku dijieuna "[[MUD1}}" ku Richard Bartle dina tahun 1978. MUDs, nyaéta luluhur langsun tina gim MMORPG (Massively Multiplayer Online Role-Playing Game).[2]

Massively multiplayer online games (MMOG)[édit | édit sumber]

Massively multiplayer online game bisa dijieun sabab ayana Internet akses gancang (broadband) di sababaraha negara berkembang. Gim Jenis ieu ngamungkinkeun ribuan pamaen ngaliwatan Internet ngamaenkeun gim nu sarua babarengan. Loba gaya gim jenis kieu, di antarana :

Aturan Gim Onlen[édit | édit sumber]

Gim onlen nu sohor, biasana diatur ku Perjangjian Pengguna Akhir (EULA). Konsekuensi ngalanggar EULA nyaéta ti mimiti diperingatkeun tepi ka dipecat (dieureunkeun). Salah sahiji conto nyaéta gim 3D immersive world, lamun urang ngalanggar kontrak, hukumana nyaéta, diperingatkeun, diskor jeung dipecat tergantung sakumaha gedena urang ngalakukeun pelanggaran.[3] Negakeun aturan (EULA) hese pisan sabab loba béaya nu kudu dikaluarkeun, sahingga keur perusahaan leutik mah matak ngarugikeun. Ngan perusahaan badag nu osok negakeun EULA mah, sabab nguntungkeun.

Edward Castronova nulis "aya persoalan aturan jeung kepemilikan nu dilanggar sacara signifikan".[4] manéhna ngabagi aturan onlen jadi dua, nyaéta aturan hade (good governance) jeung aturan aneh (strange governance). Castronova ge nyebutkeun yén dunya buatan (jiga dunya maya) nyaéta salah sahiji cara jang ngetes aturan jeung manajemen.

Kalakuan pamaen[édit | édit sumber]

Kalakuan Goreng[édit | édit sumber]

Dina gim onlen loba kalakuan pamaen nu kurang hade jiga pelecehan, penganiyaan, omongan kasar jeung réa-réa deui, komo mun éta gim aya fungsi chatna.

Baca Oge[édit | édit sumber]

Referensi[édit | édit sumber]

  1. Rollings, Andrew; Ernest Adams (2006). Fundamentals of Game Design. Prentice Hall. 
  2. Castronova, Edward (2006). Synthetic Worlds: The Business and Culture of Online Games. University Of Chicago Press. pp. 10, 291. ISBN 0-226-09627-0. [pp. 10] The ancestors of MMORPGS were text-based multiuser domains (MUDs) [...] [pp. 291] Indeed, MUDs generate perhaps the one historical connection between game-based VR and the traditional program [...] 
  3. "Community: Incident Report". Second Life. Diarsipkan dari yang asli pada 8 Méi 2010. Diakses pada 12 Pébruari 2010. 
  4. Castronova 2005, p.205.