Ip Man

Ti Wikipédia Sunda, énsiklopédi bébas
Ip Man

Ip Man, ogé nelah ku Yip Man
BabarYip Ka-man (葉繼問) 01 Oktober 1893
Fushan, Kuangtung, Tionghoa Dinasti Qing
PagawéanSuhu Paguron Wing Chun
PasanganCheung Wang Shing
Shanghai Po (m. 1955–68)
Anak5
KolotYip Oi Dor
Ng Shui

Ip Man, ogé nelah ku Yip Man,[1] ([[aksara Tionghoa Tradisional|]]: 葉問; 1 Oktober 1893 – 2 Désember 1972) nyaéta saurang seniman béladiri Cina turunan Kanton, sarta saurang guru ahli Kung Fu Wing Chun. Manéhna boga sababaraha murid nu jagana jaradi guru ahli séwang-séwangan. Muridna nu paling sohor nyaéta Bruce Lee.

Kahirupan awal[édit | édit sumber]

Ip Man lahir ti pasangan Yip Oi-dor jeung Ng Shui, minangka katilu tina opat anak. Manéhna gedé di lingkungan kulawarga beunghar di Fushan, Guangdong, sarta narima atikan tradisional Cina bareng jeung lanceuk lalakina Yip Kai-gak, lanceuk awéwé Yip Wan-mei sarta adi awéwe Yip Wan-hum.[2]

Ip mimiti diajar Wing Chun ti Chan Wah-shun wanci umur 9[3] atawa 13[4][5] taun. Chan harita keur umur 57 taun, Ip jadi murid ka-16 Chan ogé nu pamungkas.[6][7] Alatan umur, Chan ngan bisa ngalatih Ip salila tilu taun méméh dirina katarajang struk énténg di taun 1909 sarta mulang ka lemburna.

Wanci umur 16 taun, dibantu ku dulurna, Leung Fut Ting, Ip pindah ka Hong Kong sarta asup sakola di Kampus St. Stephen, sakola alternatif pikeun kulawarga nu baleunghar jeung urang luar nu caricing di Hong Kong.[2] Genep bulan sabada pindah ka Hong Kong, batur sakelasna, ngaranna Lai, ngabéjaan yén sobat bapana, hiji jago Kung Fu, cicing jeung kulawargana sarta nawaran Ip pikeun latih tanding. Wanci harita, Ip euweuh nu ngéléhkeun, jadi manéhna haget narima tantangan éta. Minggu pasosore, Ip datang ka imah Lai sarta sanggeus silih bagéakeun manéhna nantang si jago kung fu téa pikeun bitotama. Jalma éta ngaranna Leung Bik, sarta Leung Bik kalayan gampang nguntupan Ip Man. Kasima ku katanginasan lawanna nu karak karandapan ku Ip, Ip nantang deui pikeun tarung kadua kalina, sarta kasoran deui, ngan sajéréhém. Kuciwa alatan éléh, Ip indit bari teu kecap-kecap acan sarta tuluy jadi bangbaluh semet ka teu wani ngaku yén dirina bisa kung fu. Saminggu ti harita, Lai ngabéjaan Ip yén Leung Bik nananyakeun. Ip ngawaler yén manéhna ngarasa éra nepungan deui. Danget harita, Lai nyarita yén Leung Bik muji kana téhnik kung fu Ip ogé yén Leung Bik téh anakna Leung Jan, nu ngawurukan guruna Ip, Chan Wah Shun. Ip tuluy guguru ka Leung Bik,[8] nepi ka Leung maot dina taun 1911.[9]

Ip mulang ka Fushan di taun 1917 wanci umur 24 taun sarta di ditu tuluy jadi pulisi.[2] Manéhna ngajarkeun Wing Chun ka sababaraha urang bawahanna, babaturanna jeung dulur-dulurna, tapi teu kungsi muka paguron seni béladiri.

Ip tuluy rarabi ka Cheung Wing Sing sarta ngabogaan sababaraha budak. Budak lalaki Ip Chun jeung Ip Ching, sarta budak awéwé Ip Nga Wun.[10]

Sababaraha murid teu resmina anu kasohor nyaéta Chow Kwong Yue, Kwok Fu, Lun Kah, Chan Chi Sun, Xu He Wei jeung Lui Ying. Di antara maranéhna, Chow Kwong Yue minangka nu paling punjul tapi cenah tuluy asup kana usaha dagang sarta eureun latihan. Kwok fu jeung Lun Kah baroga murid séwang-séwangan sarta ngajarkeun seni béladiri Wing Chun di Fushan jeung wéwéngkon Guangdong. Chan Chi Sun jeung Lui Ying tuluy mariang ka Hong Kong tapi duanana gé teu nampa murid.

Ip miang jeung netep di Kwok Fu nalika Perang Cina Jepang Kadua sarta mulang-mulang ka Fushan sanggeus perang réngsé di mana manéhna nuluykeun karirna minangka pulisi. Ip boga waktu pikeun ngalatih budak kaduana Ip Ching salila taun 1949. Dina tungtung taun 1949 sanggeus Partéy Komunis China meunang dina Perang Sipil Cina, salaku pagawé pikeun Kuomintang, Ip, bojo jeung budak awéwéna ninggalkeun Fushan, miang ka Hong Kong.[11]

Hirup di Hong Kong[édit | édit sumber]

Ip, pamajikanna Cheung jeung anakna nepi ka Hong Kong ngaliwatan Makau di taun 1950. Pamajikan jeung anakna éngkéna marulang ka Fushan pikeun nyokot ktp. Najan kitu, alatan ditutupna wates antara China jeung Hong Kong di taun 1951, Ip jeung Cheung jadi kapisah salilana, sarta Cheung tetep tumetep di Fushan.

Awalna, usaha ngajar Ip Man teu menyat di Hong Kong lantaran murid-muridna biasana ngan cicing pikeun sabulan dua bulan. Ip mindahkeun paguronna dua kali: mimiti ka Jalan Puncak Istana di Sham Shui Po sarta tuluy ka Jalan Lee Tat di Yau Ma Tei. Harita, sababaraha muridna geus meunangkeun kaunggulan Wing Chun sarta mampu ngamimitian paguron-paguronna sorangan. Maranéhna maju terus sarta ngadu kaparigeulan ngalawan paguron béladiri lianna pikeun ngabandingkeun kamampuan. Ku minengna maranéhna mareunang jadi nambah kana kamasyuran Ip.

Taun 1955, Ip meunang batur hirup ti Shanghai, nu ku murid-muridna nelah ngaranna minangka Shanghai Po. Ip jeung batur hirupna ogé boga budak teu sah ngaranna Ip Siu Wah. Sedengkeun di Fushan, pamajikan Ip maot alatan kanker di taun 1960. Ip teu kungsi sacara daria ngawanohkeun batur hirupna ka budak-budakna nu lian, nu panungtunganna mah daratang ka Hong Kong pikeun cicing bareng jeung manéhna di taun 1962.[12]

Ip Man jeung Bruce Lee.

Taun 1967, Ip jeung sababaraha muridna ngadegkeun Asosiasi Atlétik Ving Tsun.[13][14] Tujuan utamana nyaéta pikeun mantuan Ip nangkes kasusahan finansial di Hong Kong,[15] nu cenah geus ngalantarankeun dirina jadi rutin maké opium.[16] Salah sahiji manten muridna, Duncan Leung, ngakukeun yén Ip maké duit ladang ngajarna pikeun ngabiayaan kacanduan opiumna.[17] Selir Ip maot alatan kanker di taun 1968 sarta budak maranéhna tuluy jadi palatih Wing Chun, siga dulur-dulur sabapana.

Tilar dunya jeung titinggal[édit | édit sumber]

Batu nisan Ip Man di Wo Hop Shek, Hong Kong.

Ip maot tanggal 2 Désémber 1972 di padumukanna di Jalan Tung Choi 149 Hong Kong, alatan kanker tikoro, ngan salapan bulan saméméh maotna Bruce Lee.[18] Manéhna dikurebkeun di Wo Hop Shek, Hong Kong.

Warisan Ip nyaéta prakték Wing Chun sacara global. Ip Chun, budak sulung Ip Man, sumanget jeung taya reureuhna pikeun ngalastarikeun kung fu Wing Chun warisan bapana. Taun 2014, Ip Chun kapilih pikeun ngawakilan Wing Chun salaku panarima waris jurus kung fu Wing Chun.[19] Murid-murid Ip nu kaitung sohor kaasup: Leung Sheung, Lok Yiu, Chu Shong Tin, Wong Shun Leung, Bruce Lee, Moy Yat, Ho Kam Ming, Chow Tze Chuen, Victor Kan, alona, Lo Man, barudakna, Ip Ching jeung Ip Chun sarta murid pribadina Leung Ting (saperti disebutkeun dina wawancara jeung Grand Master Ip Man ku Majalah New Martial Hero, taun 1972).[20]

Ip nulis sajarah Wing Chun.[21] Réa artifak ti kahirupanna dipajangkeun di muséum "Yip Man Tong" di ruang handap Kuil Kuno Fushan. Ip Man ogé loba difilemkeun dumasar kana kahirupanna.[22]

Silsilah seni béladiri[édit | édit sumber]

Silsilah Wing Chun numutkeun Ip Man.[21][23]

Ng Mui (salah sahiji ti Lima Katua ti Biara Shaolin )
Yim Wing-chun (diajar Wing Chun ti Ng pikeun béla diri)
Leung Bok-chau (Yim's husband)
Leung Lan-kwai
Wong Wah-bo (diajar tongkat ti Leung Yee Tai patuker-tuker jeung jurus tangan kosong)
Leung Yee-tai (ngasupkeun jurus tongkatna kana jurus tangan kosong)
Leung Jan
Chan Wah-shun
Yip Man (ogé diajar ti Ng Chung-sok, Leung Bik)
Murid-murid nu kawentar: Ilikan cabang-cabang Wing Chun

Potrét média[édit | édit sumber]

Di taun 1976, filem Bruce Lee: The Man, The Myth, peran leutik ngeunaan dirina minangka Suhu Wing Chun Bruce Lee diperankeun ku budak sulungna, Ip Chun.

Ip Man diperankeun ku Wang Luoyong dina Dragon: The Bruce Lee Story dina filem drama biographi Amérika taun 1993,[24] dumasar kana riwayat Bruce Lee nu mangrupa murid Ip.

Di taun 1999, dina filem What You Gonna Do, Sai Fung? (alias 1959 某日某), manéhna diperankeun ku budakna, Ip Chun, sakali deui minangka pintonan husus.

Yu Chenghui merankeun Ip Man dina filem séri tivi China 2008, The Legend of Bruce Lee, ogé dumasar kana riwayat Bruce Lee.

Ip Man, hiji filem Hong Kong dumasar kana kahirupan Ip Man, diperankeun ku Donnie Yen minangka si ahli béladiri, dipedalkeun dina sinema di taun 2008. Filem éta mawakeun sajumlah kabébasan dina kahirupan Ip, lolobana pikeun épék dramatis. Budak sulung Ip, Ip Chun ngilu aub dina filem éta jeung gawé minangka konsultan produksi, nu fokus kana kahirupan Ip Man wanci taun 1930-an nepi ka 1940-an nalika Perang China Jepang Kadua. Filem ieu mangrupa filem munggaran nu dumasar kana kahirupan Ip Man.

Sékuél Ip Man 2 fokus nalika Ip ngamimitian hirup di Hong Kong jeung murid-muridna, kaasup Bruce Lee. Ip Man geus ngawurukan réa jalma. Di tengah-tengah galura produksi proyék-proyék filem nu patali jeung Ip Man, Donnie Yen nyarita ka média China dina bulan Maret 2010 yén sabada Ip Man 2, manéhna moal deui merankeun si master Wing Chun. Ceuk manéhna, "Kuring moal deui-deui ngarérét kana filem nu patali jeung Ip Man. Ieu téh mangrupa filem pamungkas kuring ngeunaan Ip Man. Nanaon waé nu jadi suksés, kabéh jalma bakal narurutan, hal ieu téh matak pikakeueungeun. Ari anjeun apal sabaraha loba filem Ip Man nu keur diproduksi? Dina kondisi kieu, urang moal maju-maju, ieu téh bakal nungtun kana saturasi anu kaleuleuwihi kana matéri subjékna."[25]

Filem Hong Kong lianna nu dumasar kana kahirupan Ip Man, judulna The Legend Is Born - Ip Man, dipedalkeun dina Juni 2010. Herman Yau jadi sutradarana, sarta dibéntangan ku Dennis To minangka Ip Man jeung anggota band Seventeen, wen Junhui minangka Ip Man ngora. Ip Chun nyieun pamintonan husus minangka Leung Bik.

Taun 2010, dina filem Bruce Lee, My Brother, Ip Man diperankeun ku Wong Chi Wai.

Filem Wong Kar Wai, The Grandmaster, nyaéta hiji filem di taun 2013 dibéntangan ku Tony Leung minangka Ip Man. Filem ieu leuwih konséntrasi kana sajarah réngséna mangsa seni béladiri China ku pecahna Perang China Jepang Kadua. Dijieun ampir kabéh dina gaya biographikal, nekenkeun kana bagéan-bagéan sajarah. Béda jeung filem-filem Ip Man lianna, leuwih fokus kana kaéndahan jeung philosophi antara seni béladiri jeung kahirupan, ogé lalampahan Ip Man dina wanci awal taun 1930-an nepi ka awal taun 1950-an.

Filem séri télévisi China taun 2013, judulna Ip Man, dumasar kana kahirupan Ip Man, mimiti dijomantarakeun dina jaringan tivi Shandong TV dina akhir Pébruari nepi ka patengahan Maret 2013. Disutradaraan ku Fan xiaotian jeung dibéntangan ku Kevin Cheng minangka karakter utamana sarta Zhou Jianan minangka karakter Ip Man keur ngora.

Filem Hong Kong taun 2013 Ip Man: The Final Fight, disutradaraan ku Herman Yau sarta dibéntangan ku Anthony Wong minangka Ip Man, fokus kana kahirupan Ip Man di Hong Kong. Kevin Cheng ti filem séri tivi Ip Man taun 2013 nyieun pintonan husus salaku Ip Man ngora. Ip Chun nyieun pintonan kaméo dina filem éta. Filem ieu ogé mokuskeun kana kasatiaan murid-murid Ip Man ka dirina.

Sanajan dina bulan Maret 2010 Donny Yuen ngakukeun yén dirina teu hayang deui aub kana filem nu pakait jeung Ip Man, hiji filem anyar nu sarua nyéri, Ip Man 3, dipedalkeun dina tanggal 24 Désémber 2015 mintonkeun deui Yen ngulang peranna salaku Ip Man.[26]

Dina filem éksyén-komédi taun 2018, Kung Fu League, Dennis To minton deui merankeun Ip Man, dipindahkeun nembus mangsa pikeun ngajarkeun seni béladiri ka tukang nyieun buku komik kiwari sarta kajiret kana cinta segitilu. Satuluyna dina filem éta, manéhna ngébréhkeun yén saenyana dirina téh akon-akon wungkul, sabenerna mah ngaranna Ip Bit Man.

Donnie Yen ngulang deui peranna salaku Ip Man dina Ip Man 4 nu mimiti diproduksi dina bulan April sarta anggeus dina bulan Juli taun éta kénéh. Filem ieu fokus kana kadatangan Ip Man ka Seattle pikeun nulungan muridna, Bruce Lee, ngawangun paguron Wing Chun sorangan.[27][28] Filem ieu katanggohkeun, sarta bejana medal bulan Desember 2019.

Dina filem taun 2019, Ip Man and Four King, Ip Man (diperankeun ku Michael Tong) kudu nyanghareupan si Opat Raja méméh bisa ngalawanan ring jual beuli manusa jeung males pati kana maotna salah sahiji muridna.

Réferénsi[édit | édit sumber]

  1. Knight, Dan (20 Juli 2012). "Ip Man or Yip Man". kwokwingchun.com. 
  2. a b c Title: Yip Man – Portrait of a Kung Fu Master, kaca:3, Author(s): Ip Ching and Ron Heimberger, Paperback: 116 pages, Publisher: Cedar Fort (23 Januari 2001), Salah ngutip: Tanda <ref> tidak sah; nama "ip-ching-book2" didefinisikan berulang dengan isi berbeda
  3. "116 Wing Tsun Dummy Techniques as demonstrated by Grandmaster Yip Man", kaca: 100, Author(s): Yip Chun, Leung’s Publications (Pébruari 1981)
  4. Wing Tsun Kuen - Edisi ka-19, kaca: 47, Leung Ting, Leung's Publications (Séptémber 2003)
  5. Knight, Dan (11 Juli 2012). "Sam kwok Wing Chun – Yip Man Family Tree". Kwokwingchun.com. Diaksés 28 OKtober 2019.
  6. Knight, Dan (11 Juli 2012). "Sam kwok Wing Chun – Yip Man Family Tree". Kwokwingchun.com. Diakses tanggal 29 Nopémber 2011. 
  7. Mastering Wing Chun, By Samuel Kwok
  8. "An Interview with Grandmaster Yip Man". www.kwokwingchun.com. 22 Januari 2014. Diaksés 25 Januari 2019.
  9. Ron Heimberger, Ip Ching (2001). Ip Man: Portrait of a Kung Fu Master. Cedar Fort. p. 15. ISBN 9781555175160. 
  10. "Wing Chun Kuen". www.wingchun.si. Diakses tanggal 2019-01-09. 
  11. Knight, Dan (20 July 2012). "Ip Man's Biography". Kwokwingchun.com. Diakses tanggal 2 August 2018. 
  12. The Creation of Wing Chun. United States: SUNY Press. 2015. p. 247. ISBN 9781438456959. 
  13. Ip Man Wing Chun 50th Anniversary Journal (Hong Kong: Wing Chun Athletic Association Limited, 2005)
  14. Ip Man Wing Chun 50th Anniversary Journal (Hong Kong: Wing Chun Athletic Association Limited, 2005)
  15. Ip Man Wing Chun 50th Anniversary Journal (Hong Kong: Wing Chun Athletic Association Limited, 2005)
  16. Bruce Lee: Fighting Spirit: A Biography, Bruce Thomas, p. 208 "Both Bruce's father and even his wing chun master Yip Man were no strangers to the opium pipe."
  17. Ing, Ken (16 May 2009). "Asia Times Online :: China News, China Business News, Taiwan.". Diarsipkan dari versi asli tanggal April 2, 2017.  Archived 2 April 2017 di Wayback Machine
  18. Complete Wing Chun: The Definitive Guide to Wing Chun's History and Traditions, Robert Chu, Rene Ritchie, Y. Wu, page 9, Tuttle Publishing; 1st edition (20 Juni 1998).
  19. Boehler, Patrick. "Chinese kung fu masters battle over inheritance of Yip Man's Wing Chun legacy". South China Morning Post (South China Morning Post Publishers Ltd.) (Online). Diaksés 10 Séptémber 2016
  20. "An Interview with Grandmaster Yip Man". www.kwokwingchun.com. January 22, 2014. Diakses tanggal 2018-07-02. 
  21. a b "external copy of the History of Wing Chun Written by Yip Man". Vingtsun.com.hk. Diakses tanggal 29 Nopémber 2011. 
  22. "external copy of the History of Wing Chun Written by Yip Man". Vingtsun.com.hk. Diakses tanggal 29 November 2011. 
  23. Ip Man. "The Origin Of Wing Chun". Martial Arts & Self Defence London. Southfields Wing Chun London. Diarsipkan dari versi asli tanggal 24 July 2013. Diakses tanggal 29 November 2011.  Archived 24 Juli 2013 di Wayback Machine
  24. "Ip Man (Character)". IMDb. Diarsipkan dari versi asli tanggal 25 December 2016. Diakses tanggal 4 February 2011. TV episode, Played by Cheng-Hui Yu (as Ye Wen) 
  25. "Donnie Yen Has Had Enough of Ip Man - Wu-Jing.org". Guangzhou Daily. 8 Maret 2010. Diarsipkan dari versi asli tanggal 11 Maret 2010. Diakses tanggal 4 Pébruari 2011.  Archived 2010-03-11 di Wayback Machine
  26. "Ip Man 3 (Hong Kong, 2015)". VCinema. 9 January 2016. Diakses tanggal 2018-03-14.  Archived 2018-03-14 di Wayback Machine
  27. Raymond, Nicholas (07/05/2018). "Ip Man 4 Casts Scott Adkins". ScreenRant (dalam en-US). Diakses tanggal 05/03/2019. 
  28. Raymond, Nicholas (07/05/2018). "Ip Man 4 Casts Scott Adkins". ScreenRant (dalam en-US). Diakses tanggal 05/03/2019.