Jalan Otto Iskandar Dinata (Otista)
Jalan Otto Iskandar Dinata (Otista) nyaéta salah sahiji ngaran jalan di Bandung pikeun ngabadikeun ngaran Otto Iskandar Dinata.[1]
Sajarah
[édit | édit sumber]Basa révolusi tos ngagema, pasukan sekutu masih kénéh aya di kota Bandung. Wargi Bandung geus puguh nyeri haté jeung badé ngusir tentara Walanda. Anu sok dagang di Pasar Baru teu hayang ngajual daganganana ka Walanda anu ambek ku sabab teu dilayanan. Tungtungna, Otto Iskandar Dinata, salah saurang bangsawan Sunda anu janten perantara di antawis Walanda jeung pribumi pedagang. Anjeunna ngabujuk para pedagang, sementawis éta di sisi nu sanés, Otto Iskandar Dinata ngarempugkeun masalah ieu ka Walanda. Ku sabab jasa Otto Iskandar Dinata dina ngabéréskeun perkawis ieu, Jalan Pasar Baru dirobah ngaran janten Jalan Otista (singgetan ti ngaran anjeunna).[1]
Otto Iskandar Dinata
[édit | édit sumber]Otto Iskandar Dinata anu dilahirkeun di Bojongsoang, Kabupaten Bandung dina kaping 31 Maret taun 1897 salaku putra Bandung pituin kasohor disebat Si Jalak Harupat ku sabab anjeunna kasohor teguh prinsip, wani dina nyanghareupan pamaréntah Hindia Walanda. Otto Iskandar Dinata kungsi ngajabat salaku Wakil Ketua Budi Utomo Bandung dina taun 1921 nepi ka 1924 jeung Wakil Ketua Budi Utomo Pekalongan dina taun 1924. Dina taun 1930 nepi ka 1941, anjeunna janten anggota Dewan Rakyat atawa Volksraad salaku wakil ti Paguyuban Pasundan. Anjeunna ogé masih kénéh wani ka Walanda.[2]
Otto Iskandar Dinata kapilih janten anggota Déwan Rakyat (Volksraad) dina kaping 15 taun 1931. Anjeunna wani pisan nyanghareupan pamaréntah kolonial atawa pengusaha asing pikeun ngabela rakyat leutik.[3]
Sajarah Pasar Baru
[édit | édit sumber]Pasar Baru di Bandung tos aya ti mimiti abad ka-19 didirikeun ku étnis Tionghoa ku sabab di Bandung teu aya pasar induk atawa pasar badag basa éta. Aranjeunna asa manggih kasempetan pikeun ngajual dagangan. Baheula ngarannya Pasar Ciguriang anu didirikeun dina taun 1906.[4] Dina taun 1926, pasarna diwangun janten leuwih alus, wangunan dijieun permanen. Daérah éta kasohor disebat kawasan Pasar Baroeweg. Wangunan Pasar Baru dina taun 2003 diresmikeun ku Walikota Bandung basa éta nyaéta jeung dingaranan Pasar Baru Trade Center.[1]
Kaayaan Jalan
[édit | édit sumber]Ditingal dina peta modérn, jalan Otista kapotong ku jalur rel karéta api di Stasiun Timur, padahal baheulana jalur ti Pasar Baru nepi ka Gedong Pakuan teu kaputus. Baheula, jalan éta dingaranan Jalan Résidén ( Résidéntwég). Dina ujung jalan aya Kantor Résidén anu diwangun dina taun 1864 nepi ka 1867. Ayeuna kantor éta janten Gedong Pakuan atawa anu kasohor disebat ‘gubernuran’ ku sabab imah dinas Gubernur Jabar. Dulu jalan itu membentang dari Gedung Pakuan, Pasar Baru hingga Pendopo yang berada di Alun-alun Kota Bandung. Petugas penjaga akan menutup palang pintu bila ada kereta yang lewat. Namun kini, kendaraan harus memutar ke arah Jalan Kebun Jukut Selatan-Viaduct-Kebun Jukut Utara, karena terpagar tadi. Baheulana jalan éta téh manjang ti Gedong Pakuan, Pasar baru nepi ka Pendopo anu aya di Alun-Alun Kota Bandung. Lamun aya karéta api anu léwat, jalanna ditutup ku patugas jaga. Dina taun 1970-an, kendaraan kudu muter ka arah Jalan Kebon Jukut Selatan-Viaduct-Kebon Jukut Utara ku sabab jalanna teu dibuka aksésna. Jalan anu ditutup téh sajalan jeung pangwangunan pikeun pejalan kaki anu diwangun di luhureun rel karéta api. Dina taun 1864, Bandung téh janten Ibukota Kerésidénan Priangan (Préanger) ku Résidén van der Moor. Supados koordinasi jeung pendopo atawa kantor bupati tiasa béntés, jalan Résidéntwég anu ayeuna janten Jalan Otista.[5]
Rujukan
[édit | édit sumber]- ↑ a b c Aurellia, Anindyadevi. "Ini Asal-usul Nama 5 Jalan Istimewa di Kota Bandung". detikjabar (dalam id-ID). Diakses tanggal 2023-12-02.
- ↑ Nursyabani, Fira. "Asal-usul Nama Jalan Otista Bandung yang Dibuka 30 Tahun Sekali - Ayo Bandung - Halaman 2". Asal-usul Nama Jalan Otista Bandung yang Dibuka 30 Tahun Sekali - Ayo Bandung - Halaman 2 (dalam Indonesian). Diakses tanggal 2023-12-02.
- ↑ Cipasang, Yayat R. "Otista, Bukan Sekadar Jalan". Diakses tanggal 19 November 2023.
- ↑ Muhammad, Erik. "Sejarah Pasar Baru Bandung, Pusat Dagang Tionghoa Zaman Kolonial". Harapan Rakyat (dalam Indonesian). Diakses tanggal 2023-12-02.
- ↑ Maulana, Yudha. "Sepenggal Jalan Paling Istimewa di Kota Bandung, Aneh tapi Nyata". detikjabar (dalam id-ID). Diakses tanggal 2023-12-02.