Kabupatén Way Kanan
Kabupatén Way Kanan ieu kabupaten nyaéta salah sahiji ti lima welas kabupaten/kota nu aya di Propinsi Lampung. Ngagaduhan wilayah nu ageung legana 3.921,63 km atawa sarua jeung 11 persen ti jumlah kampung kolot nu aya di Kabupaten Way Kanan.
Ditilik tina topograpina, Kabupaten Way Kanan dibagi kana dua bagean topograpis, nyaéta topograpis gunung dugi bukit, jeung DAS (daerah aliran sungai). Teu anéh lamun potensi ieu daerah aya dinu tatani. Lolobana mah walungan di ditu ngagolontor ti kulon ka wetan. Kaayaan ieu nu matak tatani potensial pisan jang ngawangun irigasi.
Dumasar kana topograpi ngabogaan batas, Kaler - Propinsi Sumatra Selatan, Kidul - Kabupaten Lampung Utara, Kulon - Kabupaten Lampung, Wetan - Kabupaten Tulang Bawang Barat.[1]
Sajarah[édit | édit sumber]
Dimimitian ti taun 1957, basa éta pamingpina Wedana Way Kanan, Ratu Pangadilan. Diayakeun panglawungan nu kahiji jang ngabahas rencana pamarentah ti pusat nu butuh sekitar 100.000 hektar lahan nu rek dijieun transmigrasi. Kahartos ku pamarentah daerah sabab wayah kapungkur taun 50-an memang pamarentah Orde Baru boga program jang mindahkeun pangeusi ti Jawa ka Sumatra. Basa harita, aya tilu kawedanaan nu aya, nyaéta Kawedanaan Kotabumi, Kawedanaan Krui, jeung Kawedanaan Menggala teu ngadukung kana rencana pamarentah pusat.[2]
Tapi Kawedanaan Way Kanan narimakeun, éta ogé make sababaraha hiji pertimbangan ngarah engkena Way Kanan bisa gancang rame ku pangeusi. Basa éta kénéh, aya gagasan ti Hi. Ridwan Basyah salaku nu nyepeng notulis pas panglawungan harita. Eta gagasan eusina ngajadikeun Way Kanan kabupaten misah nyalira ti Kabupaten Lampung Kaler.
Lajeng di taun 1971, kahayang ngajadikeun Way Kanan jadi kabupaten misah aya deui. Kusabab diayakeun panglawungan jeung para tokoh masyarakat, tokoh adat, jeung ilmuwan di rorompokna Hi. Ridwan Basyah di Tanjung Agung, Banda Lampung.
Lima taun saanggeus panglawungan, atawa taun 1975, Bapa Nasrunsyah Gelar Sutan Mangkubumi, di Bumi Agung, Bahuga, ngalaksanakeun acara adat Bugawi. Oge masih ngondang tokoh-tokoh adat di sabudureun Way Kanan. Dina harita, diayakeun musyawarah nu memang husus pingpinan Hi. Ridwan Basyah, tujuana ngabahas Way Kanan jadi kabupaten nu tiasa ngadeg sorangan. Salian tina eta, aya usul kanggo Pamarentah Daerah di Kabupaten Lampung Kaler jeung Pamarentah Daerah ti Propinsi Lampung.
Tepika taun 1986 Pamarentah Pusat ngabentuk Pembantu Bupati Lampung Kaler, Wilayah Blambangan Umpu make Surat Keputusan Menteri Dalam Negeri. Nomer: 821.26-502 tanggal 8 Juni 1985. Tina sajarah ieu tiasa nyaho rarangka ngadegkeun Kabupaten Way Kanan nyaéta perkara anu teu gampang.
Rujukan[édit | édit sumber]
- ↑ Kanan, Diskominfo Way. "Halaman - Selayang Pandang". Pemerintah Kabupaten Waykanan (dalam Indonesia). Diakses tanggal 2019-11-30. Archived 2019-11-30 di Wayback Machine
- ↑ Kanan, Diskominfo Way. "Halaman - Sejarah". Pemerintah Kabupaten Waykanan (dalam Indonesia). Diakses tanggal 2019-11-30. Archived 2019-12-03 di Wayback Machine