Klindamisin
Klindamisin atawa Clindamycin mangrupa salah sahiji antibiotik kelas lincomycin anu digunakeun pikeun ngobatan inféksi anu disababkeun tina baktéri anaerob gram positif.[1] Hasiatna pikeun ngubaran inpéksi dina paru-paru, kulit, getih, alat réproduksi, tulang, jeung organ-organ jero séjénna. Sajaba ti éta, obat ieu ogé sok digunakeun pikeun ngubaran tapak éwateun atawa sakapeung sok diadumaniskeun jeung obat séjén pikeun ngubaran anthrax atawa malaria. Dina sababaraha kajadian, obat ieu sok digunakeun pikeun nyegah endocarditis (infeksi katup jantung). Obat ieu bisa ogé digunakeun pikeun ngubaran inféksi ceuli, tonsillitis, (amandel), faringitis (radang genggerong) sarta tasksoplasmosis.[2] Anu dirékomendasikeun kana fraktur terbuka nurutkeun British Orthipaediction (BOA) and British Assosiation of Plastic, Reconstrukctive jeung Aesthetic Surgeons (BAPRAS) nyaéta antibiotik co-amoksiklav Sefuroksim (atawa klindamisin saupama alérgi penisilin) sarta kudu buru-buru dibikeun ka pasénna.[3]
Cara Nyimpen[édit | édit sumber]
Klidamicin nyaéta salah sahiji obat anu kudu disimpen dina suhu ruangan, sarta kudu dijauhkeun tina sinar panon poé atawa tempat anu baseuh, sabab bakal nimbulkeun karuksakan, Sajaba ti éta teu meunang ditunda di kamer cai atawa dina lomari és (dibekukeun). Salawasna kudu merhatikeun cara nunda ieu obat, saupama teu ngarti tanyakeun ka apotéker sarta kudu dijauhkeun tina jangkowan barudak. Perhatikeun ogé mangsa kadaluarsana éta obat.[2]
Dosis[édit | édit sumber]
Dosis Déwasa[édit | édit sumber]
Dosis Klindamsin Ngaliwatan Baham (diinum):[édit | édit sumber]
- Inféksi serius: 150-300 mg unggal 6 jam
- Inféksi leuwih parah: 300-450 mg unggal 6 jam
Dosis Klindamisin Ngaliwatan Suntikan:[édit | édit sumber]
- Inféksi serius: 600-1.200 mg ngaliwatan infus/ suntikan per poé, dosis dibagi jadi 2-4 rata
- Inféksi parah: 1.200-2.700 mg ngaliwatan infus/ suntikan per poé, dosis dibagi jadi 2-4 rata
- Inféksi leuwih parah: nepi ka 4.800 mg ngaliwatan infus per poé
Dosis Barudak[édit | édit sumber]
Dosis Klindamisin Ngaliwatan Baham (diinum):[édit | édit sumber]
Beurat badan 10 kg atawa kurang:
- Dosis minimal: 37,5 mg 3 kali sapoé
Beurat badan 11 kg atawa leuwih:
- Inféksi serius: 8-12 mg/kg per poé, dosis dibagi jadi 3-4 rata
- Inféksi parah: 13-16 mg/kg per poé, dosis dibagi jadi 3-4 rata
- Inféksi leuwih parah: 17-25 mg/kg per poé, dosis dibagi jadi 3-4 rata
Dosis Klindamisin Ngaliwatan Suntikan:[édit | édit sumber]
- Nepi ka umur 1 bulan: 15-20 mg/ kg ngaliwatan suntikan infus per poé, dosis dibagi jadi 3-4 rata. (Dosis leuwih rendah cukup pikeun orok anu kakara lahirna prématur jeung leutik)
- Umur 1 bulan-16 taun: Dosis luyu jeung berat badan: 20-40 mg/kg ngaliwatan infus atawa suntikan per poé, dosis dibagi jadi 3-4 rata. (Dosis lebih luhur digunakuen pikeun inféksi nu leuwih parah)
Dosis Klindamisin Ngaliwatan Topikal (Obat Luar / DIoléskeun):[édit | édit sumber]
- Inféksi serius: 350 mg/m2 ngaliwatan suntikan IV atawa suntikan IM per poé
- Inféksi parah: 450 mg/m2 ngaliwatan infus IV atawa suntikan IM per poé
Dosis Klindamisin Pikeun Obat Alternatip:[édit | édit sumber]
- Inféksi serius: 8-16 mg/kg per poé, dosis dibagi jadi 3-4 rata
- Inféksi leuwih parah: 16-20 mg/kg per poé, dosis dibagi jadi 3-4 rata[2]
- Déwasa nu boga panyakit inpéksi serius 150-300 mg unggal 6 jam sarta bisa dironjatkeun deui jadi 300-450 mg unggal 6 jam sakali saupama diperlukeun
- Budak anu boga inféksi beurat 8-16 mg/kg beurat bandanna dina 3-4 dosis dibagi-bagi[4]
Indikasi Klindamisin[édit | édit sumber]
Aya sababaraha indikasi obat Klindamisin di antarana:
- Inféksi serius akibat tina baktéri anaerob gram positip
- inféksi serius kana saluran napas, kulit, jaringan lunak, inféksi beuteung bagian jero, inféksi baham, (absés periodal & periodontitis)
- inféksi ginekologi, saperti éndometritid, salpingitis, selulitis pelvis pasca operasi vagina jeung inflamasi pelvis
- Nu boga panyakit AIDS bisa ngagunakeun klindamisin bareng jeung porometamin pikeun terapi tokoplasmik énséfalitis.[5]
Kontraindikasi[édit | édit sumber]
- Teu meunang digunakeun ka pasén nu boga riwayat hipersénsivitas kana klindamisin jeung linkomisin atawa kandungan séjén anu sarua.
- Teu meunang dinikeun ka pasén anu boga riwayat kolitis ulseratif atawa koitid pseudomembranosa.[6]
- Teu meunang dibikeun kanu boga kondisi médis saperti imunisai/vaksin[7]
Perhatian Husus[édit | édit sumber]
Hadéna mah teu weléh konsultasi ka dokter saupama boga kondisi médis ieu di handap:
- Alérgi kana klindamisin
- Gangguan peujit, kolitis, crohn
- éksim atawa alérgi kulit
- Asma atawa réaksi alérgi parah kana asprin
- Ngagunakeun klindamisin dina waktu lila bisa nimbulken méncrét jeung pseudomembranosus colitis sabab gangguan flora normal usus.[7]
Rujukan[édit | édit sumber]
- ↑ "Clindamycin 300mg - Manfaat, Dosis, & Efek Samping". HonestDocs (dalam Indonesian). Diakses tanggal 2019-12-25.
- ↑ a b c "Clindamycin Obat Apa? Dosis, Fungsi, dll. • Hello Sehat". Hello Sehat (dalam id-ID). Diakses tanggal 2019-12-25.
- ↑ (PDF) http://eprints.umm.ac.id/48036/3/BAB%20II.pdf.pdf. Archived 2023-04-15 di Wayback Machine
- ↑ "CLINDAMYCIN CAPSUL 300 MG INDO FARMA". medicastore.com. Diakses tanggal 2020-01-11. Archived 2020-01-11 di Wayback Machine
- ↑ "Clindamycin - Manfaat, Dosis, Efek Samping - Dokter Sehat". doktersehat.com. Diakses tanggal 2019-12-25. Archived 2019-12-25 di Wayback Machine
- ↑ general_alomedika. "Kontraindikasi dan Peringatan Clindamycin". Alomedika. Diakses tanggal 2019-12-31.
- ↑ a b "Clindamycin | Fungsi, Cara Pemakaian, Dosis, Efek Samping". SehatQ (dalam Indonesian). Diakses tanggal 2019-12-31. Archived 2019-12-31 di Wayback Machine