Kuda kosong

Ti Wikipédia Sunda, énsiklopédi bébas

Kuda kosong nyaéta hiji hal kasenian anu mimiti nalika Kabupatén Cianjur dipingpin ku bupati anu mimiti, nyaéta Radén Kanjeng Aria Wiratanudatar. Ceuk béja, dina waktu harita wewengkon kasundaan dipingpin raja Mataram jeung Cianjur nyerahkeun upeti ka Mataram. Saanggeus sawala, Cianjur ngirimkeun wakil nyaéta Aria Natadimanggala pikeun nyerahkeun upeti mangrupa 3 siki paré, 3 siki pedes (lada), jeung 3 siki cabé rawit. Satiap upeti anu diserahkeun miboga harti masing-masing; jeung raja Mataram bisa nyangkem méré balasan mangrupa keris, kuda karajaan, jeung tangkal saparantu pikeun dalem Cianjur. Akhirna kuda éta dibawa balik ka Cianjur bari dituntun, henteu ditaékan, ku lantaran Aria Natadimanggala meni patuh jeung ngahargaan yén kuda éta hadiah pikeun adina (dalem Cianjur). Saanggeus nepi di Cianjur,  kuda éta diarak kukurilingan. Kulantaran kuda éta dina nalika dibawa ti Mataram nepika ka Cianjur henteu ditaékan maka akhirna disebut kuda kosong. Makna kuda kosong kalobaan masyarakat osok dikaitkeun jeng hal anu goib. Maranéhna ngama'naan kuda kosong ditaékan ku Eyang Suryakéncana anu teu katempo.[1]

Rujukan[édit | édit sumber]

  1. Penetapan Warisan Budaya Takbenda Indonesia Tahun 2018 (PDF). Jakarta: Direktorat Warisan dan Diplomasi Budaya, Direktorat Jenderal Kebudayaan, Kementerian Pendidikan dan Kebudayaan. 2018. p. 141.