Lého

Ti Wikipédia, énsiklopédia bébas
Loncat ke navigasi Loncat ke pencarian
Budak olol lého

Lého nyaéta cairan anu aya di jeroeun irung, boh éncér atawa liket.[1] Sanajan dianggap minangka kokotor, ieu peran na di jero irung kacida pentingna. Lantaran irung manusa mibanda kamampuh dina mikanyaho mangpirang jenis babauan téh ku ayana bantuan ieu lapisan cairan liket téa.[1] Lého mobanda peran penting dina néwak molékul-molékul bau jeung nyambungkeunana leuwih ti 100 réséptor bau dina solobong irung manusia.[1] Éta lého téh bakal néwak partikel-partikel, kayaning kekebul atawa bubuk pepelakan, tuluy ngaleyurkeunna.[1][2]


Sawatara molékul-molékul nu ditéwakna bakal ngaguluyur nepi ka tungtung réséptor indra pangambeu. Uteuk bakal narjamahkeun informasi nu ditampa indra pangambeu tuluy narjamahkeunana minangka tingkatan kuat-lemahna bau nu kaambeu.[1]

Mingkin gancang jeung mingkin lila réséptor néwak molékul, hartina mingkin bau éta sumber molékul. Sakapeung mah irung téh mroduksi loba pisan lého, utamana mah nalika salésma. Ieu nu disebut irung mangpet.[1]

Rujukan[édit | édit sumber]

  1. a b c d e f "Ingus | Wikiwand" (dalam bahasa en). Wikiwand. http://www.wikiwand.com/id/Ingus. Diakses pada 2018-09-04 
  2. Jonathan, Rigg (1862). A Dictionary of the Sunda Language of Java. Universitas Harvard: Bataviaasch Genootschap van Kunsten en Wetenschappen. 

Tingali ogé[édit | édit sumber]