Martha Christina Tiahahu
Page Modul:Infobox/styles.css has no content.
| Martha Christina Tiahahu | |
|---|---|
 | |
| Gumelar | 4 Januari 1800 Abubu, Nusa Laut, Maluku, Hindia Belanda |
| Tilar dunya | 2 Januari 1818 (yuswa 17) Laut Banda, Maluku, Indonesia |
| Maot lantaran | Kasakit |
| Monumén | patung di Ambon, Maluku; patung di Abubu |
| Kabangsaan |  Indonésia |
| Pagawéan | Gerilyawan |
| Taun aktip | 1817 |
| Kolotna | Paulus Tiahahu |
| Anugrah | Pahlawan Nasional Indonésia |
Martha Christina Tiahahu (gumelar di Nusa Laut, Maluku Tengah, Maluku, 4 Januari 1800 – maot di Laut Banda, Maluku, 2 Januari 1818 dina umur 17 taun) nyaéta salah sahiji pahlawan nasional Indonésia ti désa Abubu, Maluku Tengah. Anjeunna dikenang ku bajoang dina ngalawan pamaréntahan kolonial Walanda di Maluku[1].
Kasang Tukang
[édit | édit sumber]Martha Christina lahir dina tanggal 4 Januari 1800, di désa Abubu, Pulo Nusalaut, Kabupatén Maluku Tengah. Anjeunna lahir tina kulawarga Tiahahu ti kelompok Soa Uluputi[1][2]. Ku sabab indungna maot, Martha Christina digedékeun ku bapana, Kapitan Paulus Tiahahu, salah sahiji anggota ti kelompok Soa Uluputi. Martha Christina miluan bapana dina sababaraha perang gerilya ngalawan pasukan kolonial Walanda[3]. Martha Christina ti leutikna katelah ku sumangetna dina raraga ngalawan pamaréntah kolonial Walanda.
Pajoangan Ngalawan Walanda
[édit | édit sumber]Ti ngawitan taun 1817, Martha mulai mantuan bapana dina ngalawan pamaréntah kolonial Walanda. Di yuswana anu masih ngora, Martha ngagabung ka unit gerilya anu dipingpin bapana, Kapitan Paulus Tiahahu keur mertahankeun Pulo Nusalaut[4]. Sababaraha paperangan dimeunangkeun ku Martha saperti perang di Pulo Saparua anu néwaskeun Komandan Richement jeung Meyer ti pasukan Walanda[3][4]. Dina perang lainna, pasukan pajoang Maluku kaasup Martha berhasil ngabakar Bénténg Duurstede. Dina raga ngabantu pasukan Maluku anu amunisina béak, Martha ngabantu ngalemparkeun batu ka pasukan Walanda, dina catatan lain nyebutkeun ku tombak[3].
Puncak pajoangan Martha jeung pasukan Maluku aya dina serangan Walanda anu dipingpin ku Vermeulen Kringer di tanggal 12 Oktober 1817. Pasukan Maluku ditangkep ku Walanda dina 16 Oktobér 1817, kaasup Martha jeung Paulus Tiahahu. Sakabéh tahanan perang dibawa ku Walanda maké kapal Eversten. Paulus Tiahahu dihukum mati di Fort Beverwijk, ngan Martha anu dibebaskeun ku sabab masih di bawah yuswa[3][4].
Tilar Dunya
[édit | édit sumber]Dina operasi anu dilakukeun Walanda di Desember 1817, Martha jeung 39 pajoang lain ditangkep jeung direncanakeun bakal diasingkeun ka Jawa keur jadi budak pekerja di kebon kopi. Dina mangsa ieu, kasehatan Martha nurun. Dina tanggal 2 Januari 1818, Martha Christina tilar dunya. Jenazah Martha Christina dilarung di Laut Banda[3].
Pahlawan Nasional
[édit | édit sumber]Martha Christina Tiahahu diangkat jadi pahlawan nasional numutkeun ka SK Presidén Républik Indonésia Nomor 012/TK/Taun 1969, di tanggal 20 Méi 1969[3].
Rujukan
[édit | édit sumber]- ↑ a b Andryanto, S. Dian. "Martha Christina Tiahahu, Pahlawan Wanita yang Terkubur di Laut Banda Maluku". Tempo. Diakses tanggal 2023-03-25.
- ↑ Yudono, Jodhi. "Martha Christina Si Pemberani dari Timur". Kompas.com. Kompas.com. Diarsipkan dari versi asli tanggal 22-04-2012. Archived 2012-04-22 di Wayback Machine
- ↑ a b c d e f "4 Januari 1800: Lahirnya Martha Christina Tiahahu, Pejuang Kemerdekaan RI Asal Maluku". merdeka.com. Diakses tanggal 2023-03-25.
- ↑ a b c Tunny, Azis. "Martha Christina Tiahahu: The 'kabaressi' heroine of Maluku". thejakartapost.com. The Jakarta Post. Diarsipkan dari versi asli tanggal 01-05-2008. Diakses tanggal 02-03-2008.