Masjid Saint Petersburg
Masjid Saint Petersburg (Basa Rusia: Санкт-Петербу́ргская мече́ть), nalika munggaran dibukana taun 1913, harita mah mangrupa masjid panggedéna di Eropa, munarana waé luhurna 48 méter sarta momolona 39 méter. Masjid ieu aya di puseur karaméan St Petersburg, antukna momolo biruna bisa katempo kalayan sampurna ti Walungan Trinitas nu ngaliwatan Neva. Masjid ieu bisa nampung lima rebu urang jamaah.
Batu munggarannana digolerkeun taun 1910 keur ngeling-ngeling ulang taun pamaréntahan Abdul Ahat Khan nu ka-25 di Bukhara. Harita, komunitas Muslim di puseur kota Rusia leuwih ti 8.000 urang. Struktur ieu geus diperhitungkeun pikeun bisa nampung jalma nu sakitu lobana. Arsitékna, Alexander von Gogen nyonto masjid ieu siga Gur-e Amir, jaratan Tamerlane di Samarkand. Pangwangunannana rengse taun 1921.
Nalika ibadah, para jamaah dibagi dumasar jenis kelamin; wanoja di lantéy hiji, lalaki mah di lantéy dasar. Masigit ieu ditutup keur jamaah ti taun 1940 nepi ka taun 1956.
Tumbu luar
[édit | édit sumber]
- (en) Poto jeung deskripsi
- (en) Munara ti Neva
- (en) Poto Archived 2008-08-14 di Wayback Machine