Massa

Ti Wikipédia Sunda, énsiklopédi bébas

Massa nyaéta sipat fisika ti hiji barang, anu sacara umum bisa dipaké pikeun ngukur lobana materi anu aya dina hiji barang. Massa mangrupa konsép utama dina mékanika klasik sarta widang élmu séjén anu patali. Dina Sistem Internasional (SI), massa diukur dina hijian kilogram. Pakakas anu dipaké pikeun ngukur massa biasana nyaéta timbangan.

Massa jeung beurat[édit | édit sumber]

Henteu kawas beurat, massa di satiap tempat sok sarua. Contona: massa urang sabot di bumi sarta di bulan sarua, tapi beurat urang di bumi jeung di bulan béda.

Hubungan antara massa jeung beurat nyaéta massa*(akselerasi gravitasi) mangrupa beurat.

F= m*g.

F nyaéta gaya, m nyaéta massa, sarta g nyaéta alselerasi gravitasi (daya tarik bumi). Sawatara jalma nuliskeun rumus kasebut dina wangun

W=m*g,

di mana W nganyatakeun beurat. Nurutkeun élmu fisika, massa hiji jalma baris sarua di mana waé, tapi beurat jelema kasebut baris béda ti hiji tempat jeung tempat anu séjénna (beurat jelema kasebut di kutub baris leuwih gedé batan beuratna di katulistiwa).

Sarua jeung éta, beurat hiji barang di luhur beungeut laut baris leuwih gedé manan beuratna di puncak gunung anu luhur. Hal ieu kajadian alatan akselerasi gravitasi di kutub leuwih gedé batan di katulistiwa, sarta akselerasi gravitasi di luhur beungeut laut leuwih gedé di patempatan anu leuwih luhur (alatan jarakna ka puseur bumi leuwih jauh).




manéhna:Massa