Matu Mona
Matu Mona nyaéta ngaran pena Hasbullah Parinduri, babar di Medan, Sumatra Utara, 21 Juni 1910, wafat di Jakarta, 8 Juli 1987, dina umur 77 taun. Pendidikan terakhir St. Anthony's Boys School di Medan (1930).[1] Pernah jadi wartawan Pewarta Deli, rédaktur Panji Pustaka, pimpinan mingguan Penyebar, pimpinan harian Tegas Banda Aceh, majalah Selecta di Jakarta, pendiri koran Perjuangan Rakyat di Garut. Ogé kungsi jadi pimpinan sandiwara Ratu Timur, rombongan sandiwara Cahaya Timur jeung Dewi Mada, anggota Badan Penerangan Divisi Surakarta, sarta dibuikeun di Sukamiskin, Bandung.[1] Karya sastra anu geus dihasilkeun dina wangun novél : Harta Terpendam (1931), M. Yussyah Journalist (1992), Panggilan Tanah Air (1994), Spionase Dienst (Pacar Merah Indonesia, 1934), Rol Pacar Merah (1938), Zaman Gemilang (1936), Ja Umenek Jadi-jadian (1937), Akibat Perang (1950), Putra Ja Umenek (1961), jeung Pacar Merah Indonesia I sarta II (2010). Dina wangun biografi : M. Husni Thamrin (1940) jeung W.R. Supratman (1940).[1] (Baca ogé Pacar Merah Indonesia I jeung II).[1]