Mickey Mouse

Ti Wikipédia, énsiklopédia bébas
Luncat ka: pituduh, sungsi
Rachel Booth jeung Mickey Mouse

Mickey Mouse nyaéta salah sahiji tokoh animasi (kartun) anu dijieun ku Walt Disney anu jadi film kartun favorit mangsa harita[1].Tokoh Mickey Mouse jadi tokoh kartun nu munggaran dijieun[1].

Plane Crazy mangrupa film animasi munggaran anu mintonkeun Miki Mouse[2]. Ieu film mangrupa film hitam putih sarta di jerona euweuh dialog[2]. Ieu film disutradaraan ku Walt Disney jeung Ub Iwerks taun 1927 anu dimedalkeun tanggal 15 Méi 1928]]. Plane Crazy diiluan ku The Gallopin’ Gaucho jeung Steamboat Willie[2]. Mimitina, Miki dijieun minangka gaganti Oswald the Lucky Rabbit anu dijieun ku Walt Disney jeung Ub Iwerks keur Charles Mintz ti Universal Studios tapi maranéhna dipecat nalika ménta bayaran anu leuwih luhur pikeun Oswald anu geus populer sarta ti harita Oswald digambar ku jalma séjén[2].

Pikeun kahirupan pausahaan, Walt kudu néangan karakter anyar sarta ide ngeunaan Miki mouse mimiti aya nalika Walt aya dina karéta[2]. Karakter éta dingaranan Miki téh nyaéta Mortimer ngan pamajikanana, Lillian Disney, kurang resep[2]. Ayeuna ngaran Mortimer dipaké jadi ngaran musuh Miki dina marebutkeun Mini[2].

Miki jeung Mini mimiti aya dina Plane Crazy anu dirilis 15 Méi 1928[2]. Tapi The Walt Disney Company satuluyna miéling milangkala Miki tanggal 18 Nopémber 1928, nyaéta tanggal rilis animasi Steamboat Willie, film animasi Miki Mouse anu mimiti aya soraan[2]. Miki Mouse ngahontal mangsa kajayaanana ti mimiti taun 1930-an nepi ka 1950-an[2]. Tapi mimiti taun 1950-an posisi kajayaanna kaéréh ku Tom and Jerry anu boga rating jeung nu mikaresepna leuwih loba tibatan nu mikaresep Miki Mouse jeung Silly Symphonies[2]. Taun 1955, kajayaan Miki Mouse geus kaganti ku babaturanana anu aya di Walt Disney, Donal bèbèk anu dipikaresep ku jalma anu leuwih loba tibatan nu mikaresep Miki Mouse[2].

Tanggal 18 November 1978, nalika milangkala Miki nu ka-50, manéhna jadi karakter kartun anu munggaran nu meunang béntang nalika Holywood Walk of Fame, tegesna di 6925 Hollywood Boulevard [2]. Taun 1988, keur anu munggaran Miki tampil jeung Bugs Bunny dina Who Framed Roger Rabbit[2]. Bugs Bunny nyaéta salah sahiji saingan Miki ti Warner Bros[2]. Dina éta film, duanana miboga waktu minton anu sarua. Film éta ogé jadi hiji kajadian anu jadi sajarah di dunya perfilman[2].

Program-program tipi anu mintonkeun Miki kiwari nyaéta Mickey Mouse Works jeung Disney’s House of Mouse sedengkeun sababaraha film Miki ayeuna nyaéta Mickey’s Christmas Carol 1983, Runaway Brain 1995, jeung The Three Musketeers sarta Mickey’s Twice Upon a Christmas 2004[2].

Miki ogé boga bagéan dina vidéo game Kingdom Hearts karya Disney Interactive jeung Square Enix minangka raja istana Disney, ari Mini minangka ratuna, Donal Bèbèk minangka ‘’penyihir’’, jeung Gufi minangka nu ngajaga istana[2]. Dina game munggaran, miki can pati loba katingali, tapi di sekuel Kingdom Hearts: Chain of Memories jang Game Boy Advance, Miki geus mimiti aya jeung miboga peran anu leuwih gedé di Kingdom Hearts II[2].

Referensi[édit | édit sumber]

  1. a b Kartun Pertama(diakses 18 November 2011)
  2. a b c d e f g h i j k l m n o p q r s sejarah MICKEY MOUSE <3(diakses ping 10 November 2011)
Nulis.jpg