Narayana

Ti Wikipédia, énsiklopédia bébas
Loncat ke navigasi Loncat ke pencarian
Tempel of Narayana
Tempel of Narayana

Narayana nyaéta anak Prabu Basudéwa nu disebut kembar selasih, nu hiji hideung nu hiji deui bodas.[1] Nu hideung diaranan Narayana, ari nu bodas diaranan Krakaksana.[1] Saenyana Narayana téh jirim titisan Batara Wisnu, sarta krakaksana minangka titisan Batara Basuki.[1] Saengges jadi raja di Meralaya ngarana ditambahan ku gelar 'Prabu'.[1]

Narayana sok disebut Batara Kresna, Prabu Harimurti, Prabu Padmanaba, Prabu Wisnumurti, Prabu Kesawa, Prabu Dwarawati.[1] Boga opat prameswari, nyaéta Déwi Jembawati, Déwi rukmini, Déwi Setyaboma, jeung Déwi Pratiwi.[1]

Tibubudak, Narayana geus némbongkeun kasaktianana.[1] Bisa ngapung, bisa ngaleungit, bisa jadi naon baé sakarep dirina, bisa tri wikrama.[1] Narayana gé boga uteuk nu calakan, loma ka sasaha, nyaritana ngandung ajén sarta bisa ngajénan ka sasama, wijaksana.[1] Salilana ngaping ngajaring ka Arjuna dina sagala widang.[1] Réa wejanganana tepi ka Arjuna jadi hiji sinatria utama dina perang Bratayudha.[1]

Rujukan[édit | édit sumber]

  1. a b c d e f g h i j k Djajakusumah, Gunawan (2010). Léksikon pawayangan. Bandung: Puspawarna. p. 90.