Nirvana (grup musik)

Ti Wikipédia Sunda, énsiklopédi bébas
Anggota grup musik Nirvana Krist Novoselic (kénca) jeung Kurt Cobain (katuthu) dina acara MTV Video Music Awards, dina taun 1992

Nirvana nyaéta grup musik aliran grunge anu dibentuk di Aberdeen, Washington, Amerika Serikat taun 1987 ku Kurt Cobain, Krist Novoselic, jeung Chad Channing[1][2]. Grup musik séjénna anu saentragan nyaéta Pearl Jam, Alice in Chains, jeung Soundgarden[2], balukarna, genre rock alternatip jadi genre anu dominan di radio jeung TV musik Amerika dina taun 90-an[2]. Nirvana boga sababraha mantan personil, di antarana: Aaron Burckhard - drum (1987-1988), Dale Crover - drum (1988, 1990), Dave Foster - drum (1988), Chad Channing - drum (1988-1990), Jason Everman - gitar (1989), Dan Peters - drum (1990)[2].

Karir[édit | édit sumber]

Nirvana ngarilis album pertamana taun 1989 dipayungan indie label. Taun 1990, Nirvana nyieun kontrak jeung major label DGC terus ngarilis album NEVERMIND kalayan singlena Smells Like Teen Spirit anu kajual nepi ka 400 rébu kopi dina kurun waktu saminggu, padahal DGC mah ngan méré prédiksi yén ieu album téh bakal kajual 250 rébu kopi wungkul.[1]. Album kaduana IN UTERO dirilis 2 taun sanggeus album kahiji dirilis, tapi henteu sasuksés album kahiji[1].

Tanggal 8 Aprl 1994 mangrupa ahir karir Nirvana, sabab Kurt Cobain kapanggih maot di Imahna, Seattle, Washington alatan maéhan manéh ku péstol anu ditémbakkeun ka huluna[1][3]. Tapi najan kitu, sababaraha album kompilasina masih sempet dirilis sababaraha taun ka hareupna[1].

Sok sanajan Kurt Cobain geus maot tur Nirvana geus bubar tapi laguna masih kénéh aya sakapeung éksis di radio-radio, sanajan perjalanan karier Nirvana bisa kaitung pondok jodo tapi ka abus salah sahiji Band Legend anu bisa ngalahirkeun salah sahiji Genre musik anyar nu loba disebut kubatur mah cenah musik "Grunge" anu ngaguncang blantika musik dunya keur jaman na nepi ka ayeuna gé masih kénéh sok loba ngadengekeun.

Référénsi[édit | édit sumber]

  1. a b c d e Nirvana-kapanlagi.com (diaksés tanggal 9 Nopémber 2011)
  2. a b c d (en)Nirvana-Lastfm.com (diaksés tangal 9 Nopémber 2011)
  3. (en)Nirvana.com Archived 2011-11-08 di Wayback Machine (diaksés tanggal 9 Nopémber 2011)