Lompat ke isi

Palgunadi

Ti Wikipédia Sunda, énsiklopédi bébas
Palgunadi

Palgunadi nyaéta ngaran Prabu Ekalaya ti nagara Ekacakra atawa Parang Garuda atawa Nisada. Boga pamajikan ka widadari, Déwi Anggraéni. Palgunadi téh salah sahiji nu kacida mujana ka Resi Druna, Palgunadi téh nyieun patung Resi Druna di tempat sekar pamelangan di jero leweung, Pangan nyieun éta patung téh duméh Bambang Ekalaya henteu meunang guguru ka Resi Druna nu kacida sohorna lebah mentangkeun jamparing. Demi Resi Druna, pangna henteu ngagugurukeun ka Bambang Ekalaya téh duméh geus keuna ku kayid kudu ngajar rupaning élmuning perang ka turunan Kuru nyaéta Kurawa jeung Pandawa. Resi Druna lila-lila ngadéngé yén di leuweung aya hiji satria, ngaranna Bambang Ekalaya, nu tapis mentangkeun jamparing bari tepi ka kiwari tacan aya tandingana. Ku kitu téh, Resi Druna léah dijadikeun guru kalawan sarat jempol leungeun Bambang Ekalaya diteukteuk. Bambang Ekalaya nurut tanda mihormat. Bet padahal, sagala rupa nu di kedalkeun ku resi Druna téh taya lian sangkan Bambang Ekalaya henteu bisaeun deui mentang jamparing sabab bisi ngaleuwihan élmu para Kuru. Tepi ka moksana ka kahyangan, Bambang Ekalaya téh anteng miguru ka Resi Druna [1]

Rujukan[édit | édit sumber]

  1. R. Gunawan Djajakusumah Dian Hendrayana (2010). Léksikon Pawayangan. Jl. Guntur Sari Wetan 27 (Radio Mara) Bandung: Puspawarna.