Panci

Ti Wikipédia Sunda, énsiklopédi bébas
Loncat ke navigasi Loncat ke pencarian
Panci bahan Tambaga

Panci nyaéta ngaran wawadahan nu kaasup parabot dapur atawa lalayah tina logam, maké turub jeung dirampud ku imilye, aya ogé nu dijieun tina aluminium.[1] Salian ti éta panci téh kagunaanana paranti masak. Dijieunna tina logam (aluminium, waja, jsb), aya ceulian dina sisi-sisina, wangunna silinder atawa leutik dina bagéan handapna, biasana dipaké pikeun masak cai, sayur kuah, jsb.[2] Panci nyaéta pakakas masak keur ngulub atawa ngasakan kadaharan anu aya kuahan. Aya ogé panci nu dijieun tina beusi alumunium atawa stainless steel.[3]

Miara panci[édit | édit sumber]

  • Lamun dadasar panci geus karahaan atawa aya kerak hideung, pasak cai anu geus dibéré citrun sarta keueum panciina. Terus, kumbah maké sabun keur ngaluarkeun kerak hideung sangkan panci jadi beresih deui.[4]
  • Ulah ngajadikeun panci jadi alas ngeureutan daging, sayur, atawa bahan séjénna alatan bisa ngabalukarkeun gorésan dina permukaanna.[4]
  • Paké parabot tina karét atawa spatula silicon pikeun nyokot kadaharan dina panci sangkan henteu kagorés.[4]
  • Ulah ngagéroh panci dina kaayaan panas sacara langsung. Lamun bérés dipaké leuwih hadé cicingkeun heula sangkan tiis heula saméméh dikumbah.[4]
  • Lamun masak ulah panas teuing, ku sabab bisa ngabalukarkeun dadasar anti cepelna lééh atawa melepuh leuwih parahna bisa jadi ruksak.[4]

Rujukan[édit | édit sumber]

  1. Danadibrata. (2006) .Kamus Basa Sunda. Bandung: Gawé bareng PT Kiblat Buku Utama jeung Universitas Padjadjaran. Kc. 492
  2. (id)[1](diakses tanggal 22 november 2011)
  3. (id)[2](diakses tanggal 23 november 2011)
  4. a b c d e (id)Tips ngarawat Panci(diakses tanggal 23 november 2011)