Peucang

Ti Wikipédia Sunda, énsiklopédi bébas


Peucang (Tragulus)
Klasifikasi ilmiah e
Karajaan: Animalia
Filum: Chordata
Kelas: Mammalia
Ordo: Artiodactyla
Kulawarga: Tragulidae
Génus: Tragulus
Brisson, 1762

Peucang (Tragulus) nyaéta hiji genus ungulata kuku jangkep ti kulawarga Tragulidae.[1] Dina Basa Yunani Kuna τράγος (tragos) hartina embé jalu,[2], anapon émbohan –ulus hartina 'leutik'. Awakna nu ukur 0,7-8.0 kg jeung panjang 40-75 cm, peucang téh jadi ungulata pangleutikna sadunya, padahal dulurna ti séjén wewengkon bisa sagedé antelop.[3] Hirupna sumebar di Asia Tenggara (Yunnan kidul nepi ka Balabak, Palawan jeung Jawa.[3]

Luyu jeung parobahan taksonomi kiwari, sababaraha spésiés ti ieu genus can loba dipikanyaho, ngan sigana lolobana sarua liar peuting anu kadaharanana dangdaunan, bungbuahan, jukut, jeung tutuwuhan pendék lianna di leuweung anu rembet.[3] Hirupna nyorangan atawa papasangan, jaluna boga sihung panjang (teu boga tanduk) anu dipaké pikeun tarung.[3] Béda ti kulawargana nu séjén, Tragulus euweuh polétan atawa tutul dina tonggongna.[3]

Taksonomi[édit | édit sumber]

Mimitina, ukur dua spésiés Tragulus anu dipikawanoh: T. napu nu badag jeung T. javanicus nu leutik. Taun 2004, T. nigricans jeung T. versicolor dipisahkeun ti T. napu, anapon T. kanchil jeung T. williamsoni dipisahkeun ti T. javanicus.[4] Ku ayana ieu parobahan, T. kanchil jeung T. napu jadi spésiés anu paling lega sebaranana.[4]

Rujukan[édit | édit sumber]

  1. Citakan:MSW3
  2. Citakan:LSJ
  3. a b c d e Nowak, R. M. (eds) (1999). Walker's Mammals of the World. 6th edition. Johns Hopkins University Press.
  4. a b Meijaard, I., and C. P. Groves (2004). A taxonomic revision of the Tragulus mouse-deer. Zoological Journal of the Linnean Society 140: 63-102.