Puncak Jayawijaya
 |
Artikel ieu keur dikeureuyeuh, punten tong waka diédit atawa dirobah eusina. |
Puncak Jayawijaya atawa biasa ogé Puncak Carstensz nyaéta hiji-hijina puncak gunung di Indonésia anu saljuna lana. Saumurna éta puncak gunung téh teu weléh katutupan ku és.[1] Puncak Jayawijaya téh luhurna kurang leuwih 5.000 méter luhureun laut, malah ieu gunung téh kaasup kana daftar Seven Summits atawa asup kana daftar tujuh gunung pangluhurna saalam dunya.[1] Puncak Jayawijaya aya dina titik koordinat S 04°04.733 jeung E 137°09.572.[2] Pagunungan Jayawijaya aya di Provinsi Papua Timur manjang nepi ka Papua Newguinea.[3] Pagunungan ieu téh kabentuk ti rébuan taun ka tukang anu diakibatkeun tina ngangkatna dasar lautan.[3][4] Puncak Jayawijayamagrupa pagunungan pangjangkungna sa-Indonésia, hanjakal kiwari gunung és na geus mimiti ngipisan.[3] Ngaran séjén Carstensz Pyramide téh dicokokot tina ngaran salah sahiji jalma urang Walanda anu mangrupa jalma munggaran anu hasil naék ka éta puncak gunung. Ieu hal téh dianggap istiméwa alatan puncak Jayawijaya lain puncak anu gampang ditalukkeun alatan suhuna anu kacida tirisna, kondisi alamna geueuman tur tarahal, angin jeung hujanna gedé, katambah ku ipisna oksigén.[3]
Salju Jayawijaya[édit | édit sumber]
Indonésaia mémang nagara tropis sarta aya dina garis katulistiwa anu ngan ukur ngabogaan dua usum, nyaéta usum hujan jeung usum halodo.[5] Ku kituna lolobana nganggap hal anu teu mungkin ayana salju.[5] Kitu ogé anu di puncak Jayawijaya. Tapi ieu mangrupa hiji hal anu unik, sabab bisa disebut ngalawan hukum alam, anu mana di nagara tropis mah moal aya salju.[6] Anu ahirna Jayawijaya jadi kakoncara lantaran kaédahanna. Jayawijaya, sajaba disimbutan ku salju ogé ngabogaan gletser.[6] Salju di Jayawijaya disebut-sebut salau salju abadi. Hanjakal, unggal taun éta salju téh beuki susud, ngipisan. Malah dina jurnal bogana National Akademi of Science, Amérika Serikat nyebutkeun yén gletser di Papua téh dianggap bakal pangheulana leungit.[7] Ieu hal dibalukarkeun lantaran gletserna kaitung handap.[7] Dumasar panalungtik di Byrd and Climate Centre Ohio State University mah nyebutkeun yén gletser di Papua nyaéta "kenari di tengah batu bara" hartina gletser ieu bakal pangheulana leungit dibanding gletser-gletser séjénna.[6] Kiwari, malah batu-batuna mimiti katémbong alatan és anu beuki ngipisan.[6] Cairna glétser ngaronjat kalayan gancang, upamana taun 2015, El Nino na (kajadian alam anu mana suhu beungeut cai laut jeung suhu almosfer beuki haneut) kacida kuat pisan nepi ka taun 2016.[6]
Fosil Sato Laut[édit | édit sumber]
Saha nu nyangka lamun gunung anu sakitu luhurna téh mimitina mah lautan. Ieu hal téh tangtu ngabutuhkeun waktu anu teu saeutik.[8] Ahirna, teu anéh saupama di Jayawijaya loba kapanggih fosil sato-sato laut, nepi ka jumlahna rébuan.[8] Salah sahiji anu dianggap unik di Jayawijaya nyaéta pisan kapanggig barang-barang mangrupa kerang, jeung sajabana.[9] Dumasar kana hasil panalungtikan arkéologis, diperkirakeun kira-kira 60 juta taun ka tukang gunung anu ayeuna ngajegir téh nyaéta lautan tina ruruntukan ti benua Pangea anu masih kénéh ngahijij jeung Australia ngalaman endapan anu ahirna daratan Papua kawangun.[8] Satuluyna bareng jeung papisahna tanag Papua jeung Australia, tanah kasebut jadi naék sarta kadorong lémpéngan bumi, Jadi puncak Jayawijaya téh tadina mangrupa dasar tina lautan.[9]
Jalur Pendakian[édit | édit sumber]
1. Rute PT Freeport Indonésia[édit | édit sumber]
Lalampahan sangkan nepi ka Carstensz bisa ngaliwatan PT Freeport Indonésia, anu lalampahanna kaitung téréh, ukur butuh waktu dina itungan jam. Lalampahan téh dimimitian ti Timika laju naék mobil salila dua jam ka Tembangpura. Ti Tembangpura, laju deui ka Grasberg baék trém, ti Tembangpura dituluykeun deui ka Bali Dump (wates ahir wilayang PT Freeport kurang leuwih lalampahan 20 menit. Satuluyna ti Bali Dump leumpang deui kurang leuwih dua jam pikeun bisa nepi ka basecamp Danau-danau. Tapi lalampahan ieu téh tnagtuna kudu siap jeung resikona, hartina teu bisa sagawayah, sabab butuh persiapan sarta kakuatan pisik jeung méntal anu cukup. Ieu téh sabab Timika ngan ukur aya sababara méter tina luhureun beungeut cai laut, sedengkeun basecamp Danau-danau aya dina angka 4621 mdpl luhureun cain laut. Tangtuna lamun tanpa persiapan anu asak, parobahan cuaca jeung situasi anu béda tingkat luhurna wilayah bakal nimbulkeun Accute Mountain Sickness (AMS). Jadi, hadéna mah pendaki kudu naék ka luhur téh sacara bertahap, ulah sakaligus (aklimatiasasi).[10]
2. Rute Sugapa[édit | édit sumber]
Béda jeung jalur Frepepor anu bisa ditempuh dina waktu itungan jam, liwat Sugapa mah bakal méakeun waktu sababarha poé. Tapi kaonjoyanna nyéta, résikona leuwih leutik batan tadi, sabab parobahan situasi alam jeung luhurna témpatna dialaman kalayan bertahap, teu sakaligus. Sugana mangrupa slaah sahiji Kacamatan atawa Distrik sakaligus mangrupa ibu kota Intan Jaya. Pikeun naék ka Puncak Jayawjaya ngaliwatan Kabupatén Intan Jaya bakal dimimitian ku lalampahan nuju ka Timika atawa Nabire ngagunakeun pesawat perintis anu bakal eureun di Bandara Bilogai anu aya di Kalurahan Bilogai, Kacamatan Sugapa. Satuluyna, lalampahan bisa teruskeun ngaliwatan Ugimba atawa Soagama.[10]
2.1. Puncak Jaya Jalur Ugimba[édit | édit sumber]
Satuluyna, lalampahan nuju ka Puncak Jayawijaya bisa ditempuh liwat Ugimba, hal ieu téh sabab Puncak Jaya ayana di Kacamatan Ugimba, Kabupatén Intan Jaya. Tapi nya kitu sarua jeung lalampahan liwat jalur séjénna, pikeun nepi ka Ugimba téh lain perkara anu gampang, sarta perlu waktu sababarah jam leumpang kalayan mapayan pasir-pasir jeung walungan Kemabu anu caina taril. Ti Ugimba lalampahan diteruskeun nepi ka engkéna nepi ka New Zealand Pass. Ti New Zealand Pass merlukeun deui waktu sategah poéan pikeun nepi ka puncak atawa nepi ka Bacecamp Danau-danau.[10]
2.2. Puncak Jaya Jalur Jalur Sugapa[édit | édit sumber]
Sajaba ti jalur Ugimba, bisa ogé ngaliwatan jalur Sugapa. Ti Sugapa bisa naék mobil, motor atwa leumpang nuju ka Désa Soagama di Kacamaan Hitadipa. Lalampahan ti Soegana diteruskeun ka Camp Zambusiga anu luhurna 2181 mdpl, ti dinya diteruskeun deui ka Camp Inda Tsiga anu luhurna 3222 mdpl, ti dinya diteruskeun deui ka Nasidome Camp anu luhurna 3726 mdpl, teruskeun deui ka Zealand Pass, ahirna bakal nepi ka nu di tuju nyaéta Basecamp Danau-danau anu luhurna 4261 mdpl.[10]
3. Rute Ilaga[édit | édit sumber]
Jalur satuluyna pikeun nepi ka Puncak Jayawijaya bisa ngaliwatan Ilaga, di Kbauptén Puncak (Kabupatén hasil pamekaran ti Kabupatén Puncak Jaya). Ilaga mangrupa ibu kota ti Kabupatén Puncak, sarta luhurna aya dina 2286 mdpl. Pikeun nepi ka dieu, kudu naék pesawat leutik ti Timika atawa Nabira ka Bandara Ilaga salila 25 menit, dina sapoé bisa ngapungeun 20 kali, gumantung kana situasi jeung kondisi alamna.[10]
4. Rute Hélikopter[édit | édit sumber]
Rute ieu téh rute anu panggampangna, sakaligus pangmahalna. Lamun urnag teu hayang riweuh ngurus perijinan sarta teu siap ngaliwatan rembetna leuweung Papua anu geledegan jeung tarahal, alternatipna nyaéta ngaunakeun Hélikopter. Pikeun bisa nepi ka Puncak Jaya ngagunakeun hélikopter, leuwih tiheula urang kudu nepi heula ka kota Enarotali atawa Timika. Ti dinya bisa naék hélikopter sarta turun di Yellow Valey atawa sok disebut ogé Lembah Kuning, anu mangrupa salah sahiji aréa sanggeus Basecamp Danau-danau.[10]
Référénsi[édit | édit sumber]
- ↑ a b "10 Tempat Wisata di Indonesia yang Wajib Dikunjungi". Aneka Tempat Wisata (dalam en-US). Diakses tanggal 2020-06-29.
- ↑ G-Traveler. "Mendaki Puncak Jayawijaya Sebagai Satu – Satunya Gunung Salju Beriklim Tropis – Katalog Tempat Wisata & Liburan" (dalam en-US). Diakses tanggal 2020-06-29.
- ↑ a b c d ABSystem.id; ABSystem.id. "Puncak Jayawijaya". Wisata Puncak Jayawijaya, Pegunungan Jayawijaya adalah nama untuk deretan pegunungan yang terbentang memanjang di tengah provinsi Papua Timur, Papua (. Diakses tanggal 2020-06-29.
- ↑ "Rahasia yang Tersimpan di Balik Megahnya Puncak Carstensz, Tiang Dunia di Bumi Papua". Boombastis.com | Portal Berita Unik | Viral | Aneh Terbaru Indonesia (dalam Indonesian). Diakses tanggal 2020-06-29.
- ↑ a b G-Traveler. "Mendaki Puncak Jayawijaya Sebagai Satu – Satunya Gunung Salju Beriklim Tropis – Katalog Tempat Wisata & Liburan" (dalam en-US). Diakses tanggal 2020-06-29.
- ↑ a b c d e "Terus Menyusut, Es Puncak Jayawijaya Terancam Lenyap". Trubus.id (dalam Indonesian). Diakses tanggal 2020-06-29. Archived 2020-06-30 di Wayback Machine
- ↑ a b Liputan6.com. "Salju di Puncak Jaya Papua yang Tak Lagi Abadi". liputan6.com (dalam Indonesian). Diakses tanggal 2020-06-29.
- ↑ a b c "Rahasia yang Tersimpan di Balik Megahnya Puncak Carstensz, Tiang Dunia di Bumi Papua". Boombastis.com | Portal Berita Unik | Viral | Aneh Terbaru Indonesia (dalam Indonesian). Diakses tanggal 2020-06-30.
- ↑ a b Ramadhan, Sani. "11 Fakta Gunung Jayawijaya di Papua yang Belum Kamu Ketahui". Hipwee (dalam id-ID). Diakses tanggal 2020-06-30.
- ↑ a b c d e f Pratiwi, Hana. "Opsi Rute Perjalanan dan Jalur Pendakian Puncak Jaya atau Carstensz Pyramid". Penjelajah (dalam id-ID). Diakses tanggal 2020-06-30.