Purgatorium
Dina téologi Karésten, jeung ogé dina téologi Katolik, Purgatorium (Basa Inggris: Purgatory)[lower-alpha 1] nyaéta hiji kaayaan antara atawa pindahna sanggeus paéhna jasmani anu bisa ngaliwatanna téh maranéhna anu ditangtukeun ka Sawarga "ngalampahan pamurnian, sangkan mikacumpon kakudusan anu diperlukeun pikeun asup kana kagumiraan sawarga".[2] Ngan jelema anu tilar dunya dina kaayaan rahmat, namung can ngalampahan hukuman samentara balukar dosa-dosa maranéhna, anu bakal nyampak dina Purgatorium, nu matak euweuh saurang-urang acan dina Purgatorium anu bakal aya salilana dina kaayaan kawas kitu atawa pon indit ka naraka. Asal mula konsép ieu geus mibanda akar-akar ti baheula.
Gagasan ngeunaan Purgatorium ilaharna dipatalikeun jeung Garéja Katolik Ritus Latin (di Garéja Katolik Wétan, gagasan ieu mangrupa hiji doktrin, sanajan biasana mah teu disebut "Purgatorium", tatapi disebut "pamurnian pamungkas" atawa "theosis pamungkas"); kalangan Anglikan kalawan tradisi Anglo-Katolik ogé ilaharna nyekelan kayakinan ieu. Garéja Ortodoks Wétan mikayakin kamungkinan ayana hiji parobahan situasi pikeun jiwa-jiwa ti jelema anu geus tilar dunya ngaliwatan du'a-du'a anu didaraskeun ku jelema anu harirup kénéh di alam dunya jeung kurban pasembahan dina Liturgi Ilahi, salian ti éta, loba kalangan Ortodoks, hususna kalangan askétik, miharep jeung ngadu'a pikeun hiji apokatastasis umum.[3] Yudaismeu ogé percaya kana kamungkinan ayana pamurnian sanggeus paéh jeung malahan mungkin waé ngagunakeun kecap "purgatorium" pikeun ngarépréséntasikeun pamahaman maranéhna ngeunaan ma'na Gehenna.[4] Rék kumaha waé gé, konsep ngeunaan "pamurnian" jiwa kamungkinan ditolak kalawan éksplisit dina tradisi-tradisi kaimanan anu séjénna.
Kecap Purgatorium digunakeun ogé pikeun ngarujuk kana sawatara konsépsi historis jeung modéren ngeunaan kanalangsaan sanggeus paéhna fisik saméméh hukuman abadi,[5] jeung dipaké, dina wangenan non-spésifik, kalawan harti unggal tempat atawa kondisi dina kanalangsaan atawa siksaan, utamana anu sipatna samentara.[6]
Sajarah kayakinan
[édit | édit sumber]
Pamakéan kecap "Purgatorium" (sakumaha kecap ieu disebut dina basa Latin) minangka kecap barang sigana karék kaciri antara taun 1160 jeung 1180, anu nyiptakeun hiji gagasan yén purgatorium mangrupa hiji tempat[7] (anu ku Jacques Le Goff disebut "kagumelaran" purgatorium).[8] Tradisi Purgatorium dina Katolik Roma minangka hiji kondisi transisi mibanda sajarah yang anu aya sumberna, malahan saméméh ayana Yésus Kristus, di jero praktik di sakuliah dunya dina hal ngurus jelema-jelema anu geus tilar jeung ngadu'a pikeun maranéhna, sarta dina kayakinan, anu dipanggih ogé dina Yudaismeu,[9] anu dijeueung minangka asal mula Kakristenan, yén ngadu'a pikeun jelema anu geus tilar dunya miboga mangpaat pikeun pamurnianna dina kahirupan sabada paéh. Praktik anu sarupa nyampak dina tradisi-tradisi séjénna, misalna praktik Buddhis Tiongkok abad patengahan dina hal ngapisembahkeun kurban pikeun kapentingan arwah, anu disebut nalangsa ku lobana dodoja.[5] Kayakinan Katolik Roma kana pamurnian dina kahirupan sabada paéh ti dunya ieu dumasar kana praktik ngadu'a pikeun arwah, anu disebutkeun dina naon anu ditétélakeun ku Garéja Katolik Roma minangka bagian ti Kitab Suci,[10][11] jeung diterapkeun ku umat Kristen ti baheula,[12] hiji praktik anu ngalamunkeun yén arwah alatan dibantuan dina fase antara paéhna jasmani jeung asupna maranéhna kana jero padumukan pamungkas maranéhna.[5]
Catetan
[édit | édit sumber]- ↑ Kecap Purgatory asalna tina kecap Latin "Purgatorium" ngaliwatan kecap anu miboga harti anu sarua dina basa Anglo-Norman jeung Prancis Buhun.[1] Dina basa Sunda, Purgatorium bisa ditarjamahkeun jadi "seuneu panyucian" atawa "pamurnian".
Rujukan
[édit | édit sumber]- ↑ (en) "Purgatory," Oxford English Dictionary
- ↑ (en) Catechism of the Catholic Church, 1030
- ↑ (fr) Olivier Clément, L'Église orthodoxe. Presses Universitaires de France, 2006, Section 3, IV
- ↑ (en) Gehinnom
- ↑ a b c (en) Purgatory in Encyclopædia Britannica
- ↑ (en) Collins English Dictionary Archived 2007-09-12 di Wayback Machine
- ↑ (en) Megan McLaughlin, Consorting with Saints: Prayer for the Dead in Early Medieval France (Cornell University Press 1994 ISBN 978-0-8014-2648-3), p. 18
- ↑ (en) LeGoff, Jacques. The Birth of Purgatory. Trans. Arthur Goldhammer. Chicago: U of Chicago P, 1986, Pg 362–66
- ↑ Lih. 2 Makabe:12:42–44
- ↑ (en) Waterworth (editor), J. "The Council of Trent, Decree concerning the Canonical Scriptures". Hanover Historical Texts Project. Diakses tanggal 18 February 2015.
- ↑ (en) Council of Trent. "Decree concerning the Canonical Scriptures". EWTN. Diakses tanggal 18 February 2015.
- ↑ (en) "1032". Catechism of the Catholic Church. Diakses tanggal 18 February 2015.
Tumbu kaluar
[édit | édit sumber] |
Wikimedia Commons mibanda média séjénna nu patali jeung Purgatory . |
- (en) "Is Purgatory in the Bible?". A Catholic answer. [tumbu nonaktif] Is Purgatory in the Bible? on Internet Archive
- (en) Church Fathers on Purgatory Archived 2011-07-16 di Wayback Machine
- (en) Purgatory. Encyclopædia Britannica Online. 2009.
- (en) English c. 1200 wall painting with an image of a ladder, reminiscent of icons such as the Ladder of Divine Ascent, which has been interpreted as a "purgatorial ladder"
- (en) Quran Inspector: Chapter 7: "The Purgatory (Al-A'araf)" ( سورة الأعراف ) at submission.org