Rujak kanistrén

Ti Wikipédia Sunda, énsiklopédi bébas
Loncat ke navigasi Loncat ke pencarian
Gambar Rujak Buah Bali 2

Rujak kanistrén nyaéta rujak nu disayagikeun mangsa upacara tingkeban sok disebut ogé tujuh bulanan.[1] Rujak kanistrén dijieun tina tujuh rupa bungbuahan, ieu rujak dijual ku nukakandungan ka sémah sarta barudak nu ngahaja diondang saméméhna.[1] Sémah jeung barudak mareuli ieu rujak kanistrén ari mayarna lain ku duit tapi maké talawéngkar (sésa-sésa kenténg nu pareupeus) nu geus dibuleud-buleun nyarupakeun duit récéh/kencring.[1]

Dagang rujak kanistrén téh salah sahiji upacara panutup, tina runtuyan upacara tingkeban.[1] Saméméhna awéwé nu keur kakandungan téh dimandian heula maké kaén nu digunta-ganti lobana tujuh lambar.[2] Réngsé mandi awéwé nu kakandungan téh didangdanan sangkan geulis, saterusna nyampeurkeun ngadeukeutan wadah rujak kanistrén pikeun didagangkeun.[2] Dimana dagangan rujak kanistrén geus béak, nya réngsé ogé runtuyan upacara tingkeban/tujuh bulanan.[2]

Dicutat tina[édit | édit sumber]

  1. a b c d Haryani NasuXon, Fitri (2019). 70 Tradisi Unik Suku Bangsa di Indonesia. Jakarta: Bhuana ilmu populer. p. 97. ISBN 9786232165328. Diakses tanggal 24 Januari 2020. 
  2. a b c A. S, Galuh (2018). Dukun dan Bidan Dalam Perspektif Sosiologi. Jakarta: SAH MEDIA. p. 85. ISBN 9786026928436. Diakses tanggal 24 Januari 2020. 
Nulis.jpg