Stone Garden
Stone Garden nyaéta salah sahiji tempat pelesir anu mangrupa gunung batu kapur perenéahna aya di puncak guha pawon, Kampung Girimulya, désa gunung masigit Citatah Bandung Barat.[1] Jarak ti Padalarang ka ieu tempat kurang leuwih 5 km.[1] Urang bisa ngagunakeun kandaraan umum atawa pribadi mun hayang ngajugjug ieu tempat.[1]
Sajarah
[édit | édit sumber]Daérah Citatah nyaéta jauhna 5 KM ti Padalarang.[2] Pagawéan sapopoé urang dinya nyaéta usaha dinu tambang batu kapur.[1] Baheula mah saacan aya jalan Tol Padalarang ieu jalan ka Citatah téh rame pisan tur kaliliwatan ku kandaraan nu arék ka Jakarta atawa ka Bandungkeun.[2] Gunung kapur anu ngadeg ngajajar sapanjang jalan di Citatah téh teu leupas dinu sajarah Danau Purba anu kungsi ngeueum Bandung dinu sajarah purbakala nyaéta sabeberaha rebu taun nu heubeul.[1]
Kelompok Riset Cekungan Bandung (KRCB) nyaéta salah sahiji kelompok anu manggih tur naliti Goa Pawon nu aya di Stone Garden ti mimiti taun 2000 an.[1] Salian éta panalutik ogé nimu banda-banda paninggalan purbakala samisal artefak, jeung tulang-tulang jelema purba nu jadi cikal bakal ayana urang Bandung di ieu tempat.[1]