Susi Susanti

Ti Wikipédia Sunda, énsiklopédi bébas
Loncat ke navigasi Loncat ke pencarian


Susi Susanti

Lucia Francisca Susi Susanti atawa nu leuwih kasohor ku sebutan Susi Susanti nyaéta salah sahiji pamaén badminton nu geus kasohor ka sakuliah dunya.[1] Lahir di Tasikmalaya Jawa Barat tanggal 11 Februari 1971.[2] Karesepna kana badminton geus aya ti jaman di SD kénéh.[2] Ngamimitian karir dina widang badminton di klub mamangna, PB Tunas Tasikmalaya.[1] Sanggeus latihan salila 7 taun, Susi jadi pinunjul badminton tingkat junior.[1] Taun 1985 pindah ka Jakarta sarta sakola di sakola husus atlét.[1] Dina awal karirna taun 1989 Susi geus jadi jawara di Indonesia Open.[2] ti saprak harita, Susi tuluy meunangkeun sawatara kompetisi badminton kayaning jadi jawara All England (1990, 1991, 1993, 1994) tug nepi ka jadi Juara Dunia dina taun 1993.[2] Puluhan gelar kungsi dicangking ku Susi Susanti sapanjang karirna dina widang badminton.[1] Sanggeus pangsiun ti dunya badminton, Susi jeung salakina Alan Budikusuma nyieun Olympic Badminton Hall di Kelapa Gading minangka gedung pusat pelatihan badminton sarta nyieun rékét kalawan merék Astec (Alan-Susi Technology) dina taun 2002.[1] Bulan Méi 2004 International Badminton Federation (kiwari Badminton World Federation) méré panglélér Hall Of Fame ka Susi Susanti.[1]

Préstasi[édit | édit sumber]

  1. Hall of Fame ti International Badminton Federation (IBF), Mei 2004.[1]
  2. Herbert Scheele Trophy taun 2002.[1]
  3. Medali Emas Olimpiade Barcelona taun 1992.[1]
  4. Medali Perunggu Olimpiade Atlanta taun 1996.[1]
  5. Jawara Dunia pada World Championship taun 1993.[1]
  6. Jawara All England 4 kali (1990, 1991, 1993, 1994).[1]
  7. Jawara Piala Uber bareng jeung tim Uber Indonesia 2 kali (1994 jeung 1996).[1]
  8. Jawara Piala Sudirman bareng jeung tim nasional Indonésia taun 1989.[1]
  9. Jawara World Badminton Grand Prix 6 kali (1990, 1991, 1992, 1993, 1994 jeung 1996).[1]
  10. Jawara Indonesia Open 6 kali (1989, 1991, 1994, 1995, 1996, jeung 1997).[1]
  11. Jawara Malaysia Open 4 kali (1993, 1994, 1995, jeung 1997).[1]
  12. Jawara Japan Open 3 kali (1992, 1994, jeung 1995).[1]
  13. Jawara Thailand Open 4 kali (1991, 1992, 1993, jeung 1994).[1]
  14. Jawara Denmark Open 2 kali (1991 jeung 1992).[1]
  15. Jawara China Taipei Open 2 kali (1991 jeung 1994).[1]
  16. Jawara Korea Open taun 1995.[1]
  17. Jawara Dutch Open taun 1993.[1]
  18. Jawara Swedish Open taun 1991.[1]

Panglélér[édit | édit sumber]

Tanda Kehormatan Républik Indonésia Bintang Jasa Utama taun 1992.[2]

Referensi[édit | édit sumber]

  1. a b c d e f g h i j k l m n o p q r s t u v w x y Susi Susanti (Diakses tanggal 14 Nopember 2011) (id)
  2. a b c d e Profil Susi Susanti (Diakses tanggal 10 Nopember 2011) (id)


Replace this image male.svg