Sylvester Stallone

Ti Wikipédia, énsiklopédia bébas
Loncat ke navigasi Loncat ke pencarian


Sylvester Stallone

Michael Sylvester Gardenzio Stallone atawa leuwih dipikawanohna mah Sylvester Stallone (gumelar di New York, Amérika Sarikat, 6 Juli 1946; umur 72 taun nyaéta saurang pamaén pilem asal Amérika Sarikat. Stallone mangrupa putra ti pasangan Frank Stallone Sr. jeung Jackie Stallone.[rujukan?] Stallone ngamimitian karirna di dunya akting ti taun 1970 nepi ka kiwari.[rujukan?]

Lian populér salaku aktor, Stallon ogé mangrupa saurang panyieun pilem, panulis skénario, sutradara pilem jeung sakapeung mah jadi palukis.[rujukan?] Peranna anu pangnyongcolangna mah nyaéta jadi patinju Rocky dina pilem Rocky anu geus dijieun dina genep sékuél ti taun 1976.[rujukan?] Sylvester Stallone ngamimitian karirna di dunya akting ti taun 1970 ku ngabéntangan hiji pilem porno anu judulna The Party At Kitty And Stud's.[rujukan?] Ku gawéna salila dua poé dina panyieunan pilem éta, Stallone diburuhan gedéna $200. Sylvester pernah ngajelaskeun yén kaayaanna harita émang keur susah.[rujukan?] Stallone kara diusir ti aparteménna sarta kapaksa saré di jalan salila babaraha poé. Tapi nasibna robah nalika Stallone maca pangumuman casting pilem di hiji terminal beus.[rujukan?] Stallone tuluy nyobaan sarta meunang peran dina pilem nu judulna Italian Stallion.[rujukan?]

Ti ngabéntangan pilem munggaranna, ngaran Sylvester mingkin dipikawanoh. Dina taun 1970, Stallone ogé ngabéntangan pilem nu judulna No Place To Hide, tapi pilemna éta tuluy dirobah sarta dingaranan Rebel. Lian ti kitu, peranna salaku mesin perang Rambo anu diproduksi dina opat sékuél éta ogé nganteurkeun ngaranna jadi légénda béntang aksi. Stallone ogé mercayakeun diri jadi produser jeung sutradara.[rujukan?] Debut panyutradaraanna dimimitian liwat pilem Paradise Alley (1978), kaasup ogé pilem Rocky Balboa.[rujukan?] Nepi ka kiwari, Stallon geus nikah tilu kali. Pakawinan munggaranna jeung Sasha Czack (1974-1985), tuluy jeung aktris Brigitte Nielsen (1985-1987) sarta panungtung jeung aktris Jennifer Flavin (1997-ayeuna).[rujukan?]