Transformasi Fourier Diskrit

Ti Wikipédia Sunda, énsiklopédi bébas
(dialihkeun ti TFD)


Transformasi Fourier Diskrit (TFD) nyaéta salah sahiji wangunan transformasi Fourier nu maké pajumlahan sabagé gaganti integral. Dina matematika mindeng ogé disebut sabagé transformasi Fourier kahingga (finite Fourier transform), nyaéta transformasi Fourier anu réa dilarapkeun dina pamrosesan sinyal digital sarta widang-widang nu patali pikeun nganalisa frékuensi-frékuensi anu dikandung ku hiji sinyal atawa isarat, pikeun ngabéréskeun persamaan diferensial parsial, sarta pikeun ngalakonan sajumlah operasi, contona waé operasi-operasi konvolusi. TFD ieu bisa diitung sacara éfisien ngagunakeun algoritma transformasi Fourier gancang (TFC).

LAntaran TFC umumna dipaké pikeun ngitung TFD, dua istilah ieu mindeng silih dipatukeurkeun dina pamakéanana, sanajan aya béda anu écés antara duanana: "TFD" ngarujuk kana hiji transformasi matematik bébas atawa henteu gumantung kumaha transformasi kasebut diitung, sedengkeun "TFC" ngarujuk kana hiji atawa sawatara algoritma nu éfesien pikeun ngitung TFD.

Tumbu kaluar[édit | édit sumber]

  • Nein Arimasen, "Indéks Transformasi Fourier Diskrit", Fisika Éta Hésé, 2007-04-12