Waduk Saguling

Bendungan Saguling

Waduk Saguling nyaéta waduk jieunan anu pernahna di Kabupaten Bandung Kulon dina katinggian 643 méter di luhur beungeut cai laut (mdpl). Ieu waduk ieu salah sahiji dina tilu waduk anu ngabendung palidna cai walungan Citarum. aya dua waduk lainna tayalian: Waduk Jatiluhur jeung Waduk Cirata. Waduk éta dikokolakeun ku PT Indonesia Power salaku anak usahana PT (PLN).

Proyék

Dina undakan ka hiji ieu waduk ngahasilkeun tanaga listrikna 700 MW,tapi aya paningkatan kabutuhan listrik nepika 1400 MW. Badan anu ngokolakeun pambangunan ieu nyaéta Proyek Induk Pembangkit Indro (PIKITDRO) tina Parusahaan Listrik Nagara (PLN).

Satuluyna aya masalah jeung kagunaan di lingkungan daérahna nyaéta pangembangan dina parikanan, agri-akuakultrul, parawisata jeung sajabana. Ayeuna waduk ieu ogé digunakeun keur kabutuhan lokal saperti mandi, nyeuseuh, jeung miceun kotoran. Alatan ieu ngajadikeun Waduk Saguling pikahariwangeun katimbang Waduk Cirata jeung Waduk Jatiluhur, hal éta alatan waduk saguling jadina panto utama Walungan Citarum,disaguling ieu kabéh kotoran disaring heula, saméméh disaring deui ku Waduk Cirata jeung ahirna ku Waduk Jatiluhur.

Daérah di sabudeureun Waduk Saguling loba sumber cai anu ngakontrabusikeun kana waduk. Daérah Waduk ieu asalna ti daérah parikanan jeung partanian, aya paningkatan partanian 50% jeung tingkat partumbuhan anu luhur,tapi aya akibatna tina paningkatan populasi patani nyaéta kurangna lahan anu diolah ku kituna maksakeun maranéhna ngembangkeun lahan partanian jeung ngalakukeun ngababatan leuweung. Aya konsékuensina nyaéta nimbulkeun masalah banjir jeung longsor mangsa usum hujan.