Wikipedia nyaéta proyek kolaborasi global anu ditulis ku jalma-jalma ti sakuliah dunya.
Mungkin Anjeun teu nyaho kumaha cara ngamimitian mere partisipasi dina proyek anu sakieu gedena. Pituduh ieu bakal mantuan Anjeun sangkan bisa nyieun kontribusi munggaran Anjeun. Lamun Anjeun hanyang nyobaan nyunting (ngedit), mangga pake kaca kotrétan. Anjeun bisa ngawanohkeun diri Anjeun ngaliwatan Kaca pangwanoh, jeung lamun Anjeun butuh bantuan, Anjeun bisa asup kana kaca sawala.
Nyunting dina Wikipedia teh gampang pisan. Tinggal klik tombol sunting sumber dina kaca mana wae. Anjeun bakal dibawa kana hiji kaca anu di jerona aya kotak teks kaca anu keur dibuka. Dina ieu kotak teks, Anjeun bisa ngaganti teksna, ngabenerkeun ejahanana, jeung ngomean hal-hal sejenna misalna nambahkeun gambar, tabel, jeung sajabana. Teu kudu melang ngeunaan identasi paragraf atawa kode-kode HTML sejenna anu kompleks.
Sabada Anjeun beres nyunting dina éta kotak teks, Anjeun perlu nuliskeun ringkesan suntingan dina kotak leutik di handapeun kotak panyuntingan, anu ngajelaskeun parobahan naon anu geus dilakukeun ku Anjeun. Pikeun ningali kumaha pintonan kaca anu rek disimpen, pencet tombol Tembongkeun Sawangan. Pikeun ningali bedana antara kaca anu kakaran disunting jeung versi samemehna, pencet tombol Tembongkeun parobahan. Lamun Anjeun geus puas kana anu geus ditingali, ulah asa-asa pikeun neken tombol Simpen. Parobahan Anjeun otomatis bakal katembong ku sakabeh pamake Wikipedia. Klik di dieu sangkan Anjeun nyaho di mana bisa ngamimitian mantuan.
