Wikipedia:Wiki Sabanda/Béwara/panganyarna

Sayembara Nulis Ditutup

Panitia sayembara nulis artikel Wiki Sabanda kalawan resmi nutup aktifitas sayembara anu dilakukeun ku sakumna pamilon tanggal 14 Maret 2016 jam 23.59. Hasil rekap nilai artikel ti sakumna pamilon baris diumumkeun tanggal 24 Maret 2016 jam 13.00-14.00 di Aula Perpustakaan Ajip Rosidi, Jl. Garut No. 2, Kota Bandung. Ka sakumna pamilon anu kadaptar, dihaturan sumping dina waktosna. Kanggo pamilon aktif anu nulis minimal tilu artikel, baris dilélér sértifikat.

Wates Ahir Lomba Dipajuken!

Dumasar hasil rapat panitia Wiki Sabanda jeung Wikimedia Indonesia tanggal 21 Desember 2015, Sayembara Nulis dina Wikipedia Basa Sunda dipajukeun nepi ka tanggal 14 Maret 2016 jam 23.59. Ieu alatan aya parobahan anggaran sakumna proyek di Wikimedia Indonesia. Alatan kitu, perlu aya sababaraha parobahan teknis sayembara:

• Sistem sayembara anu tadina maké undakan (level), dirobah jadi paloba-loba artikel, kalawan kudu nyumponan kriteria minimal.
• Sakumna artikel kudu dilaporkeun kana kaca Klaim Total.