Wojak
| Wojak | |
|---|---|
| Gambar:Vinyeta memaire wojak - La Viquipédia no és fiable.jpg Conto meme wojak basa Prancis | |
| Pasampakan mimiti | Krautchan imageboard, 2010 |
| Informasi | |
| Landian | Feels Guy |
Wojak (asalna tina basa Polandia wojak vɔjak, miboga harti 'tangtara'), ogé dipikawanoh salaku Feels Guy, mangrupa salah sahiji inohong meme internét anu kasohor. Dina meme, manéhna digambarkeun minangka sosok lalaki buleneng gumurat hideung basajan kalawan éksprési sedih, tur ilaharna diunjal pikeun ngawakilan rarasaan émosi kayaning mélankonlis, hanjakal, atawa kakeueungan.
Wojak mimiti dipikawanoh taun 2010 tuluy jadi populér di ramatloka imageboard 4chan, anu mana manéhna dipatalikeun jeung frasa "that feel" ("rarasaan éta"), "that feel when" ("rasa éta nalika"), tur "I know that feel, bro" ("Urang ngarti rarasaan éta, bray"). Varian séjén tina ieu meme loba diciptakeun pikeun ngagambarkeun éksprési émosi anu béda atawa ngawakilan sawatara paripolah anu nenggang tibatan anu ilaharna.
Sajarah
[édit | édit sumber]"Wojak" mimitina mangrupa landian salah saurang pamaké ti Polandia dina forum imageboard Jerman Krautchan anu ayeuna geus teu aktip deui, manéhna ngamimitian ngunjal gambar éta kira-kira taun 2010 jeung mindeng dibarengan jeung humandeuarna sabab teu boga kabogoh atawa papacangan. [1] Ceunah, éta gambar mimitina ti imageboard vichan Polandia, di mana manéhna mosting gambar éta kalawan ngaran koropak "ciepła twarz.jpg" ('beungeut soméah').[2] Brian Feldman ti ramat warta Intelligencer ngagambarkeun éksprési Wojak minangka "kasedih haté nu kudu dilakonan."[3]
Éta gambar tuluy nyebar ka ramatloka-ramatloka imageboard anu séjénna, kaasup 4chan, ti saprak taun 2011 nyampak gambar dua Wojak anu silih tangkeup kalawan jejer "I know that feel bro" ("urang ngarti rarasaan éta bray") anu laju jadi kasohor pisan.[1] Wojak ogé ilaharna dipatalikeun jeung frasa citakan "that feel" ("rarasaan éta") atawa "that feel when" ("rarasaan éta nalika"), anu diwancah jadi "tfw".[1][2] Sababaraha varian séjénna dipatalikeun jeung karakter Pepe the Frog (frasa "feels good/bad man") anu digambarkeun ku Feldman minangka "romansa platonik dina mémé".[2]
Tempo ogé
[édit | édit sumber]- Polandball – meme séjénna asalna ti Krautchan mibanda fungsi pikeun moyok pamaké Wojak saméméh sumebar ku basa Inggris.
- Rage comic – meme sarupa anu maké leuwih saeutik turunan tina ilustrasi Microsoft Paint warna hideung-bodas.
- Meme Man — render 3D beungeut anu mindeng dipaké dina meme surealis tur gambar anu ngajéntrékeun réaksi pasemon.
Référénsi
[édit | édit sumber]- ↑ a b c Brown, Elizabeth Nolan. "That Feeling When..." (dalam bahasa en). Bustle. https://www.bustle.com/articles/6152-meme-origins-where-that-feeling-when-got-its-start. Diakses pada 2018-10-19
- ↑ a b c Feldman, Brian. "What 4chan Memes Will Go Mainstream in 2017?". Intelligencer. Diakses tanggal 2019-02-09.
- ↑ Feldman, Brian (13 February 2017). "People Are Arguing About the Size of Their Brains Using MS-Paint Illustrations". Intelligencer (dalam en-us). Diakses tanggal 1 August 2021.
Tutumbu kaluar
[édit | édit sumber]
- Éntri Wojak / Feels Guy dina Know Your Meme
- Koléksi Wojak di Arsip Internet