Yusuf Afféndi

Ti Wikipédia Sunda, énsiklopédi bébas
Loncat ke navigasi Loncat ke pencarian

Yusuf Afféndi Djalari. Dibabarkeun di Jakarta, ping 5 Agustus 1936. Manéhna mangrupakeun Seniman, desainer tekstil, jeung Guru Besar FSRD-ITB.[1]

Riwayat Atikan[édit | édit sumber]

Nalika manéhna jadi mahasiswa, manéhna mindeng pisan ngamuat skétsana ka majalah-majalah anu geus kakoncara, sapertos Gelanggang/Siasat, Indonesia, jeung sajabana. Rengsé di Arsitéktur jeung Seni Rupa ITB (1961), lajeng ka School of Art and Design Rochester Institute of Technology, New York, AS (1971) jeung Rietveld Academie Amsterdam, Kunst Academie Tilburg, AIVE Eindhoven, Belanda (1978).

Lalampahan Karir[édit | édit sumber]

Ti taun 1958 ngajar di Arsitektur jeung Seni Rupa ITB (ayeuna FSRD-ITB), ditetepkeun jadi gurubesar di taun 1990. Salian ti éta ogé ngajar di jurusan Arsitektur Universitas Parahiangan. Di taun 1982-1990 ngajar ogé di FSRD Universitas Trisakti, Jakarta. Jadi pangajar tamu di Craft Centre, Darwin, Australia (1981). Ti taun 1963 anjeunna mindeng miluan paméran bersama boh éta di Indonesia atawa di luar nagari, a.l. di Jakarta (1963, 1966, 1976, 1983, 1991, 1993, 1996), Bandung (1982, 1983, 9189), Surabaya (1987, 1988), Yogyakarta (1990), London (1968-1969), New York (1968-1970), Darwin (1981), Bangkok (1983), Manila (1983), Kualalumpur (1983), Singapura (1983), Warsawa (1984), jeung sajabana. Ngayakeun Paméran Tunggal Seni Tenun di Jakarta (1976, 1996). Manéhna emang boga perhatian nu leuwih ka seni tenun (tapestry). Pernah ogé jadi Anggota DPRD Kota Madya Bandung salaku wakil Golongan Karya/Seniman (1968-1969). Aktif jadi konsultan ka koperasi-koperasi kerajinan nu aya di Tasikmalaya, Garut, Sukabumi jeung Kabupaten Bandung (1972), jeung jadi konsultan desain keur Koperasi Tekstil Indonesia promosi tenun tangan (1972-1973). Ngabingbing pangrajin rotan Tegalwangi, Cirebon babarengan jeung Departemen Perindustrian jeung Friedrich Naumann Stiftung(1974-1975). Salah sahiji anu ngadirikeun Ikatan Ahli Desain Indonesia jeung jadi pangurus bareng jeung Widagdo, A.D. Pirous, Iwan Tirt, But Mohtar, Imam Bukhori (Buchori)  jeung Ahmad Sadali (1975). Manéhna ogé ngabingbing pangrajin kulit di Cibaduyut, Kabupaten Bandung, nyaéta mangrupakeun program perbaikan mutu desain jeung pemasaran anu gawe bareng jeung Departemen Perindustrian jeung Koperasi Sapatu Cibaduyut.  Manéhna ogé salah sahiji anggota Tim Pendiri Museum Tekstil di Jakarta (1976).

Karya[édit | édit sumber]

Manéhna kantos ngalakukeun panalungtikan jeung nyerat buku warna, Suatu pendekatan Komposisi (1979), Beberapa Susunan Warna di Daerah Indonesia (1981), Tenun Ikat Tekstil di Daerah Nusa Tenggara Timur, Songket Silukang, Sumatera Barat (1990), Tekstil Tenun Indonesia (1992), dan Tekstil Non Tenun Indonesia (1993). Yusuf Afféndi ogé kantos jadi anggota anu ngadirikeun Museum Istiqlal/Bayt Al-Qur’an di TMII, Jakarta (1996), Pupuhu Bidang Riset jeung Pengembangan Dewan Kerajinan Nasional Provinsi Jawa Barat (1999) jeung anggota anu ngarancang Budaya Lembur Sunda di Jawa Barat (1999). Manéhna meunang penghargaan Upakarti ti Presiden RI kanggo pengabdianna di widang Desain industri kecil kerajinan rakyat (1990).[1]

Rujukan[édit | édit sumber]

  1. a b Rosidi, Ajip, 1938-; Pustaka Jaya (Firm) (2000). Ensiklopedi Sunda : alam, manusia, dan budaya, termasuk budaya Cirebon dan Betawi (Cet. 1 ed.). [Jakarta]: Pustaka Jaya. ISBN 979-419-259-7. OCLC 45463431.