Aki Panyumpit

Ti Wikipédia Sunda, énsiklopédi bébas

Aki Panyumpit nyaéta tokoh nu mindeng muncul dina carita pantun minangka tukang moro sato leuweung. Disebut Aki Panyumpit téh duméh pakarangna maké sumpit. Upama dicaritakeun, biasana babarengan jeung pamajikanana nu disebut Nini Panyumpit. Hasil morona biasana diwadahan dina koja si déngdékpoé. Dina Lutung Kasarung, Aki Panyumpit diperedih pikeun néwak lutung ku Prabu Tapa Ageung pikeun anjeunna bobor saum. Sedengkeun dina Budak Manjor mah, aki panyumpit téh dititah pikeun néwak 27 lutung, 25 monyét, jeung jaralang (sarupaning bajing nu buntutna panjang).

Referensi[édit | édit sumber]

  • Ensiklopedi Sunda: Alam, Manusia, Budaya (Rosidi, dkk: 2000)