Al Ghosyiyah

Ti Wikipédia, énsiklopédia bébas basa Sunda
Luncat ka: pituduh, sungsi
Al Ghosyiyah
الغاشية
Informasi
Harti Poé Pangbalesan
Golongan Makkiyah
Surah ka 88
Juz Juz 30
Statistik
Jumlah ruku' 1 ruku'
Jumlah ayat 26 ayat

Surah Al Ghosyiyah (basa Arab:الغاشية, al Ġāšiyäh, "Poé Pangbalesan") nyaéta surat ka-88 dina Al Qur'an. Surat ieu kagolongkeun kana surat Makkiyah sarta diwangun ku 26 ayat. Dingaranan Al Ghosyiyah anu hartina Poé Pangbalesan dicokot tina kecap al ghosyiyah anu aya dina ayat kahiji surat ieu. Anu dimaksud ku "Poé Pangbalesan" dina surat ieu téh nyaéta poé kiamat. Surat ieu téh surat anu biasana dibaca ku nabi Muhammad dina rokaat kadua dina solat poé raya sarta solat jumaah.

Poko-poko eusi[édit | sunting sumber]

  • Keterangan ngeunaan jalma-jalma kafir dina poé kiamat sarta azab anu diragragkeun ka maranéhanana
  • Keterangan ngeunaan jalma-jalma anu iman sarta kaayaan sawarga anu dibikeun ka maranéhanana minangka balesan
  • Paréntah pikeun nengetan kaahéngan ciptaan-ciptaan Alloh
  • Paréntah ka Rosulullah s.a.w. pikeun ngingetkeun kaumna kana ayat-ayat Alloh alatan anjeunna nyaéta nu méré pangéling, sarta lain saurang anu ngawasa kana kaimanan maranéhanana.

Rujukan[édit | sunting sumber]

  1. Al-Amin Al-Quran Tarjamah Sunda ku K.H. Qamaruddin Shaleh, C.V. Penerbit Diponegoro, Bandung, 2003.
  2. Al Quran dan Terjemahnya, Departemen agama, C.V. Toha Putra, Semarang, 1971
  3. Terjemahan buku Sebab Turunnya Ayat Al-Qur'an karya Jalaludin As-Suyuthi, oleh Tim Abdul Hayyie, Gema Insani, Jakarta, 2008

Tumbu ka luar[édit | sunting sumber]

Wikisource logo
Wikisource mibanda média séjénna nu patali jeung artikel ieu dina kaca
Surat sateuacanna:
Al `Ala
Surat 88 Surat saparantosna:
Al Fajar
Al Qur'an

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Kotak ieu: temposawalaédit

Eusi jeung Tarjamah[édit | sunting sumber]

Ayat ka Tulisan Arab Tarjamah basa Sunda
1.
هَلۡ أَتَٮٰكَ حَدِيثُ ٱلۡغَـٰشِيَةِ
Naha geus kawartikeun ka maneh kajadian nu rongkah?
2.
وُجُوهٌ۬ يَوۡمَٮِٕذٍ خَـٰشِعَةٌ
Mangpirang-pirang beungeut (jalma) dina poe eta aralum;
3.
عَامِلَةٌ۬ نَّاصِبَةٌ۬
Tihothat, lalungse.
4.
تَصۡلَىٰ نَارًا حَامِيَةً۬
Dipanggang dina seuneu nu panas liwat saking.
5.
تُسۡقَىٰ مِنۡ عَيۡنٍ ءَانِيَةٍ۬
Diinuman tina sungapan cai nu ngagolak.
6.
لَّيۡسَ لَهُمۡ طَعَامٌ إِلَّا مِن ضَرِيعٍ۬
Maranehna hamo meunang dahareun salian ti cucuk-cucukan.
7.
لَّا يُسۡمِنُ وَلَا يُغۡنِى مِن جُوعٍ۬
Nu teu matak lintuh teu matak ngaleungitkeun lapar.
8.
وُجُوهٌ۬ يَوۡمَٮِٕذٍ۬ نَّاعِمَةٌ۬
Mangprang-pirang beungeut (jalma) dina poe eta marahmay.
9.
لِّسَعۡيِہَا رَاضِيَةٌ۬
Rido (bagja) alatan lampahna.
10.
فِى جَنَّةٍ عَالِيَةٍ۬
Di sawarga nu luhur.
11.
لَّا تَسۡمَعُ فِيہَا لَـٰغِيَةً۬
Maneh moal ngadenge di dinya mah nu taya gunana.
12.
فِيہَا عَيۡنٌ۬ جَارِيَةٌ۬
Di dinya cur-cor sungapan cai.
13.
فِيہَا سُرُرٌ۬ مَّرۡفُوعَةٌ۬
Di dinya aya kartil-kartil nu laluhur.
14.
فِيہَا سُرُرٌ۬ مَّرۡفُوعَةٌ۬
Jeung lumur-lumur nu diidangkeun.
15.
وَنَمَارِقُ مَصۡفُوفَةٌ۬
Jeung bantal-bantal panyarandean anu ngajajar.
16.
وَزَرَابِىُّ مَبۡثُوثَةٌ
Jeung amparan-amparan nu diamparkeun.
17.
أَفَلَا يَنظُرُونَ إِلَى ٱلۡإِبِلِ ڪَيۡفَ خُلِقَتۡ
Naha maranehna teu nitenan kana onta, kumaha diyugakeun?
18.
وَإِلَى ٱلسَّمَآءِ ڪَيۡفَ رُفِعَتۡ
Jeung kana langit, kumaha dikaluhurkeunana?
19.
وَإِلَى ٱلۡجِبَالِ كَيۡفَ نُصِبَتۡ
Jeung kana gunung-gunung kumaha ditancebkeunana?
20.
وَإِلَى ٱلۡأَرۡضِ كَيۡفَ سُطِحَتۡ
Jeung kana bumi kumaha diamparkeunana?
21.
فَذَكِّرۡ إِنَّمَآ أَنتَ مُذَڪِّرٌ۬
Ku kituna geura elingan ku maneh (Muhammad), saestuna maneh the tukang ngelingan.
22.
لَّسۡتَ عَلَيۡهِم بِمُصَيۡطِرٍ
Maneh lain jelema anu kumawasa ka maranehna.
23.
إِلَّا مَن تَوَلَّىٰ وَكَفَرَ
Tapi sing saha anu ngabalieur jeung kupur,
24.
فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ
Tinangtu Alloh baris nyiksa manehna ku siksaan nu pohara gedena.
25.
إِنَّ إِلَيۡنَآ إِيَابَہُمۡ
Saestuna nya Kami pangbalikan maranehna.
26.
ثُمَّ إِنَّ عَلَيۡنَا حِسَابَہُم
Tuluy saenyana hak Kami ngabalitungkeun (amal) maranehna.