At Tin

Ti Wikipédia, énsiklopédia bébas
Luncat ka: pituduh, sungsi
At Tin
التِّي
Informasi
Harti Buah Tin
Golongan Makkiyah
Surah ka 95
Juz Juz 30
Statistik
Jumlah ruku' 1 ruku'
Jumlah ayat 8 ayat

Surah At Tin (Arab: التِّينِ , "Buah Tin") nyaéta surah ka-95 dina al Qur'an. Surah ieu diwangun ku 8 ayat sarta kaasup golongan surah Makkiyah. Surah ieu diturunkeun sanggeus surah Al Buruj. Ngaran at Tin dicokot ti kecap "at-tin" anu aya dina ayat kahiji surah ieu anu hartina buah tin.

Ringkasan eusi[édit | sunting sumber]

Surah at Tin dimimitian ku sumpah Alloh anu nyebutkeun buah Tin, buah Zaitun, Gunung Sinai, sarta Mekah (ayat 1 nepi ka 4). Ayat satuluyna ngécéskeun yén manusa diciptakeun dina wangun anu sahadé-hadna. Cacak kitu, manusa tungtungan baris dipulangkeun ka tempat anu panghandapna atawa panghinana lamun henteu ngajalankeun paréntah Alloh. Jelema anu baris salamet tina kahinaan nyaéta jelema anu iman sarta ngalakonan amal soléh sarta maranéhanana baris meunangkeun pahala anu mayeng. Ayat ka-7 ngécéskeun Muhammad nyaéta utusan Alloh, anu ajaranana henteu kaci disaléwéngkeun (basa Indonesia: didustakan). Ayat pamungkas nganyatakeun yén Alloh nyaéta "Hakim Anu Pangadilna".

Eusi jeung Tarjamah[édit | sunting sumber]

Ayat ka Tulisan Arab Tarjamah basa Sunda
1.
وَٱلتِّينِ وَٱلزَّيۡتُونِ
Demi tin jeung jaitun.
2.
وَطُورِ سِينِينَ
Jeung gunung Sinai
3.
وَهَـٰذَا ٱلۡبَلَدِ ٱلۡأَمِينِ
Jeung ieu nagri nu aman (Mekah).
4.
لَقَدۡ خَلَقۡنَا ٱلۡإِنسَـٰنَ فِىٓ أَحۡسَنِ تَقۡوِيمٍ۬
Saenyana kami geus ngayugakeun manusa kalawan dedeg-pangadeg nu panghadéna.
5.
ثُمَّ رَدَدۡنَـٰهُ أَسۡفَلَ سَـٰفِلِينَ
Tuluy ku Kami diragragkeun kana tempat anu panghandap-handapna.
6.
إِلَّا ٱلَّذِينَ ءَامَنُواْ وَعَمِلُواْ ٱلصَّـٰلِحَـٰتِ فَلَهُمۡ أَجۡرٌ غَيۡرُ مَمۡنُونٍ۬
Kajaba jalma-jalma anu ariman tur ngalampahkeun amal soléh, nya pikeun maranéhanana mah ganjaran anu taya kendatna.
7.
فَمَا يُكَذِّبُكَ بَعۡدُ بِٱلدِّينِ
Naon nu ngalantarankeun manéh sabadana aya katerangan ingkar kana perkara agama?
8.
أَلَيۡسَ ٱللَّهُ بِأَحۡكَمِ ٱلۡحَـٰكِمِينَ
Lain apan Alloh téh Hakim anu pangadil-adilna?

Rujukan[édit | sunting sumber]

Tumbu ka luar[édit | sunting sumber]

Wikisource logo
Wikisource mibanda média séjénna nu patali jeung artikel ieu dina kaca
Surat sateuacanna:
Al Insyirah
Surat 95 Surat saparantosna:
Al 'Alaq
Al Qur'an

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Kotak ieu: temposawalaédit