Benito Mussolini

Ti Wikipédia, énsiklopédia bébas
Luncat ka: pituduh, sungsi
Benito Mussolini
Éksékusi Benito Mussolini

Benito Mussolini (1883-1945) nya éta diktator aliran fasis sakaligus ngadegkeun paham pasisme di Italia anu jadi Perdana Mentri Italia dina taun 1922 jeung 1925[1][2]. Nalika Mussolini mingpin, Italia jadi sekutu NAZI, Jerman dihandap paréntah Adolf Hitler[2].

Mussolini lahir di Predappio, Italia 29 Juli 1883, atikan anu sipatna akademis dimeunangkeun sacara otodidak [2]. Mussolini nyiptakeun paham fasisme dina ahir taun 1910-an, fasisme asal kecapna tina fascio Italia anu hartina serikat, simbul ieu gerakan nya éta kapak anu dikurilingan saiket tongkat[1]. Ieu paham nentang pisan kana paham komunisme jeung liberalisme, Mussolini miboga tujuan pikeun gahirupkeun deui karaharjaan bangsa Romawi[1].

Tanggal 23 Maret 1919, Mussolini ngabentuk Italia Combat Squad anu kasohor blackshirt, para anggota milisina maraké raksukan sarwa hideung[2][1]. Oraganisasi anu miboga 200.000 anggota ieu ngalaksanakeun kudéta di Roma dina tanggal 27 - 29 Oktober 1922[1]. Ahirna, Raja Victor Immanuel III ngajeiun koalisi jeung Mussolini dina taun 1922 lantaran ku sieun para milisi fasisme ngayakeun démonstrasi, tisaprak taun 1926 fasisme jadi rezim kalayan partéy pulitik tunggal anu sipatna totaliterisme[2]. Mussolini ngalanggar kawijakan Liga Bangsa-Bangsa jeung nyerang bangsa Ethiopia (1935-1936) minangka penerapan téori Charles Darwin ngeunaan evolusi alamiah[2].

Mussolini maréntah Italia salila 20 taun (1925-1943), manéhna leuwih milih mihak Axis tibatan Perancis dina perang dunya II[1][2]. Nalika Jerman éléh perang, posisi Italia mulai éléh dina peperangan anu ahirna nyababkeun Mussolini dipecat dina tanggal 25 Juli 1943[2][1]. Mussolini maot ditémbak di Giulino taun 1945 sabada ditéwak ku gerilyawan Italia saacan sempet kabur ka Swiss[1][2].

Référénsi[édit | sunting sumber]

  1. a b c d e f g h [Biografi Benito Mussolini-shvoong.com] (diaksés tanggal 3 Désémber 2011)
  2. a b c d e f g h i [Benito Mussolini - Biografi Tokoh Dunia] (diaksés tanggal 3 Désémber)
Nulis.jpg