Bunraku

Ti Wikipédia, énsiklopédia bébas
Luncat ka: pituduh, sungsi
Gedung Pintonan Bunraku

Bunraku (文楽) nya éta sandiwara boneka tradisional Jepang anu mangrupa salah sahiji jenis ningyo johruri (人形浄瑠璃). [1] Bunraku mimiti diwanohkeun di Osaka dina taun 1684. [2] Kasenian ieu sakapeung ogé disebut ningyou joururi. [2] Ningyou nya éta boneka, sedengkeun joururi nya éta carita narasi anu dibawakeun ku cara dinyanyikeun sarta dipirig ku petikan shamisen. [2] Kasenian ieu saméméhna disebut ayatsuri joururi shibai sandiwara joururi ayatsuri tuluy nu akhirna dingaranan bunraku di ahir jaman Meiji. [2] Ngaran bunraku sorangan dicokot ti ngaran seniman Uemura Bunrakuken I, saurang seniman ningyou joururi anu asalna ti Osaka. [2]


Sajarah[édit | sunting sumber]

Kasenian ningyou joururi diciptakeun ti gabungan sandiwara boneka jeung musik shamisen di mimiti jaman Edo. [2] Pintonan ieu awalna diciptakeun ku Takemoto Gidayu, saurang tayuu kalayan naskah nu dijieun ku Chikamatsu Monzaemon jeung Ki No Kaion. [2] Ningyou joururi dina jaman harita mampuh ngéléhkeun kapopuleran kabuki, ku kituna pintonan kabuki akhirna loba maké naskah carita ningyou joururi. [2] Tapi mimiti abad 19 kaayaan jadi tibalik, ku kituna pamingpin kasenian ningyou joururi anu ngaranna Uemura Bunrakuken I narékahan sangkan ngahirupkeun deui kasenian ieu ku cara ngadegkeun hiji gedong pintonan husus ningyou joururi di Kouzubashi [ayeuna Osaka] sarta saterusna dipindahkeun ka Matsushima ku Uemura Bunrakuken III. [2] Ngaran gedong pintonanna ogé dirobah jadi buranku-za (teater bunraku). [2] Lokasi bunraku-za pernah kaduruk nalika perang dunya II. [2] Ngaran bunraku-za digantian jadi Asahi-za, sarta posisi Shochiku salaku nu ngajaga kasenian bunraku digantikeun ku organisasi nirlaba Bunraku Kyoukai anu disponsoran ku Perfektur Osaka, dayeuh Osaka, Departemen Pendidikan Jepang sarta NHK. [2] Sajaba ti éta, pikeun nungkulan masalah regenerasi di dunya bunraku dina taun 1973 dijieun hiji kawijakan yén masarakat awam ogé bisa diajar kasenian ieu. [2]


Ningyou[édit | sunting sumber]

Hulu bonéka anu dipaké dina bunraku aya sababaraha macem, nya éta: lalaki atawa awéwé, kolot atawa ngora, sagala rupa sipat, pakasaban, jeung status sosial. [2] Satengah hulu bonéka éta aya anu bisa ganti peran sacara fleksibel ngan ukur ku ngaganti wig anu dipakéna. [2] Wig anu dijieun ti buuk manusa anu dicampur bulu sato éta ditémpélkeun ka bagian huluna maké lém anu dijieun ti cai jeung lilin sangkan henteu copot. [2] Awak boneka ogé dibéré pakéan anu luyu jeung perana. [2] Lamun baris mintonkeun peran wanoja bangsawan, mangka bonéka éta didangdanan maké kimono lengkep jeung jubon (baju jero), uchikake (mantel), haori (mantel luar), jeung obi. [2] Jenis hulu bonéka anu dipaké dina bunraku: [2]

Boneka Lalaki[édit | sunting sumber]

a. Bunshichi: lalaki kasep tapi sangsara, lalakon utama dina carita. [2]

b. Darasuke: hulu bonéka kalayan mimik ngécé pikeun peran jalma jahat. [2]

c. Matahei: hulu bonéka kalayan mimik rahayat anu jujur. [2]

Boneka Awéwé[édit | sunting sumber]

a. Musume: hulu bonéka rumaja umur 14-15 taun. [2]

b. Keisei: hulu bonéka pikeun peran wanoja panghibur. [2]

c. Ofuku: hulu bonéka pikeun wanoja anu wajahna buleud kalayan peran komikal. [2]





Nulis.jpg



Rujukan[édit | sunting sumber]

  1. Pengertian (Diakses tanggal 11 November 2011)
  2. a b c d e f g h i j k l m n o p q r s t u v w x y Bunraku (Diakses tanggal 11 november 2011)