Lilin

Ti Wikipédia Sunda, énsiklopédi bébas
Lilin di tempat nu poék

Lilin nyaéta damar tina malam bangunna buleud panjang sagedé indung leungeun, panjangna kurang leuwih aya sajeungkal, ari sumbu panjangna sapanjang lilin, sumbu ayana di tengah-tengah lilin.[1]

Sajarah jeung Kamekaran Lilin[édit | édit sumber]

Di unggal nagara lilin loba diciptakeun sacara independen.[2] Urang Mesir jeung Kréta kira-kira 3000 SM nyieun lilin téh tina nyiruan.[2] Nalika abad ka-4 SM di Mesir aya anu nyieun lilin tina taneuh liat.[2] Qui Shi Huang (259-210 SM) nyaéta Kaisar mimiti ti Dinasti Qin (221-206 SM).[2] Kuburana kapanggih deui persisna 1990-an 22 mil beulah kidul Xi'an di Cina jeung eusina aya lilin anu dijieuna tina lemak lauk paus.[2] Lilin di India dijieuna tina kayu manis anu geus di kulub.[2] Sedengkeun di Oregon ka Alaska nyieun lilin téh tina lauk berbau atawa candlefish.[2] Salila abad mimiti Masehi urang Amérika maké minyak tina lauk.[2] Maranéhna nendeun lilin dina tongkat. Di Tibét bahan dasar lilin téh tina yak mentega.[2] Abad Maséhi di Eropa mimiti kapanggihna lilin aya di Avignon di Perancis.[2]

Mangpaat lilin[édit | édit sumber]

Salain pikeun nyaangan lilin ogé bisa pikeun nyingkahan ngaluarkeun cipanon nalika nyiksik bawang beureum.[3] Carana, hurungkeun lilin tuluy ditendeun di deuket talenan nalika urang keur nyiksik bawang beureum.[3] Ku sabab seuneu dina lilin bisa ngaleungitkeun gas anu dikaluarkeun ku bawang.[3]

Bahaya lilin[édit | édit sumber]

Zat Parafin, bahan utama lilin bisa nyababkeun polusi udara.[4] Zat kasebut mangrupa salah sahiji nu nyababkeun polusi di jero rohangan.[4] Cara nyingkahanana pilih lilin anu bahanna tina kadelé jeung nyiruan.[4]

Rujukan[édit | édit sumber]

  1. Danadibrata,R.A.(2006).Kamus Basa Sunda.Bandung: Kiblat Buku Utama.
  2. a b c d e f g h i j Sejarah penciptaan Lilin[tumbu nonaktif] (Dicutat tanggal 6 November 2011)
  3. a b c Tips: Manfaat Lilin Archived 2012-03-02 di Wayback Machine(Dicutat tanggal 6 November 2011)
  4. a b c Waspadai Bahaya Lilin[tumbu nonaktif] (Dicutat tanggal 6 November 2011)