Dahlan Iskan
| Prof. Dr.(H.C.) Dahlan Iskan | |
|---|---|
| Gambar:Dahlan-iskan.jpg | |
| Menteri Badan Usaha Milik Negara Indonesia ka-6 | |
| Incumbent | |
| Awal jabatan 19 Oktober 2011 | |
| Présidén | Susilo Bambang Yudhoyono |
| Saméméhna | Mustafa Abubakar |
| Dirut PLN | |
| Masa jabatan 23 Desember 2009 – 19 Oktober 2011 | |
| Présidén | Susilo Bambang Yudhoyono |
| Saméméhna | Fahmi Mochtar |
| Sanggeusna | Nur Pamudji |
| Katerangan lian | |
| Gumelar | 17 Agustus 1951 Magetan, Jawa Timur, Indonesia
|
| Pameget/istri | Nafsiah Sabri |
| Ageman | Islam |
Prof. Dr.H.C. Dahlan Iskan (gumelar di Magetan, Jawa Timur, 17 Agustus 1951; umur 73 taun), nyaéta Céo koran Jawa Pos jeung Jawa Pos Group, nu markasna di Surabaya. anjeunna ogé Direktur Utama PLN ti 23 Désémber 2009.[1] Dina kaping 19 Oktober 2011, patali jeung ayana reshuffle Kabinet Indonesia Bersatu II, Dahlan Iskan diangkat minangka Menteri Negara Badan Usaha Milik Negara ngaganti Mustafa Abubakar.[2]
Karier
[édit | édit sumber]Awal karier
[édit | édit sumber]Karir Dahlan Iskan dimimitian minangka calon reporter koran leutik di Samarinda, Kalimantan Timur taun 1975. Taun 1976, anjeunna jadi wartawan majalah Tempo. Ti taun 1982, Dahlan Iskan mingpin koran Jawa Pos tepikeun ka kiwari.
Jawa Pos
[édit | édit sumber]Dahlan Iskan nyaéta hiji sosok nu ngajadikeun Jawa Pos nu harita ampir ancur kalayan oplah 6.000 ékslempar, dina mangsa 5 taun hasil jadi koran nu oplahna 300.000 éksemplar. Lima taun satuluyna kawangun Jawa Pos News Network (JPNN), salah sahiji jaringan koran panggedéna di Indonésia nu mibanda 134 koran, tabloid, katut majalah[3], sarta 40 jaringan percetakan di Indonésia. Dina taun 1997 anjeunna hasil ngadegkeun Graha Pena, salah sahiji gedong jangkung di Surabaya, nu satuluna dijieun ogé gedong nu sarua di Jakarta. Dina taun 2002, anjeunna ngadegkeun stasion televisi lokal JTV di Surabaya, nu diluyuykeun ku Batam TV di Batam katut Riau TV di Pekanbaru.
Fangbian Iskan Corporindo (FIC)
[édit | édit sumber]Ti munggaran taun 2009, Dahlan jadi Komisaris PT Fangbian Iskan Corporindo (FIC) nu bakal ngawangun Sambungan Komunikasi Kabel Laut (SKKL). Ieu SKKL bakal ngahubungkeun Surabaya di Indonésia jeung Hong Kong, kalyan panjang serat optik 4.300 kilométer.
Perusahaaan Listrik Negara (PLN)
[édit | édit sumber]Ti ahir 2009, Dahlan diangkat jadi diréktur utama PLN ngaganti Fahmi Mochtar nu dikritik ku sabab salila mingpin PLN, loba kajadian pareum listrik di daérah Jakarta.[1][4] Ti saprak mingpin PLN, Dahlan nyieun sababaraha torobosan di antarana bébas reup bray sa-Indonésia dina mangsa 6 bulan katut gerakan sapoé sayuta sambungan. Dahlan ogé boga rencana ngawangun PLTS di 100 pulo dina taun 2011. Saméméhna, taun 2010 PLN geus hasil ngawangun PLTS di 5 pulo di Indonésia bagéan wétan nyaéta Pulo Banda, Bunakén Manado, Derawan Kalimantan Timur, Wakatobi Sulawesi Tenggara, katut Citrawangan.
Menteri Badan Usaha Milik Negara (Menteri BUMN)
[édit | édit sumber]Dina tanggal 17 Oktober 2011, Dahlan Iskan ditunjuk minangka gaganti Menteri BUMN nu teu damang. Dahlan nga;aksanakeun sababaraha program nu bakal dijalankeun nalika ngokolakeun BUMN. Program utamana nyaéta restrukturisasi aset jeung downsizing (dikurangananan jumlah) badan usaha. Ihwal restrukturisasi masih nunggu persetujuan Menteri Keuangan.[5]
Kahirupan pribadi
[édit | édit sumber]Dahlan Iskan digedékeun dina lingkungan padésaan kalayan kondisi serba kakurangan. Kolotna henteu apal iraha Dahlan gumelar. Dahlan ahirna milih tanggal 17 Agustus kalayan alesan gampang diinget sabab marengan paringetan kamerdikaan Républik Indonésia.[6]
Dahlan Iskan kungsi nulis buku nu judulna Ganti Hati taun 2008. Ieu buku eusina ngeunaan pangalaman Dahlan Iskan nalika operasi cangkok haté di Cina.[7]
Lian ti mingpin Grup Jawa Pos, Dahlan ogé jadi présiden direktur dua pausahaan pembangkit listrik swasta: PT Cahaya Fajar Kaltim di Kalimantan Timur katut PT Prima Electric Power di Surabaya.[1]
Rujukan
[édit | édit sumber]- ↑ a b c The Jakarta Post: Dahlan Iskan named to lead state power utility PLN
- ↑ Artikel: "Inilah Susunan Kabinet hasil Reshuffle", di Kompas.com
- ↑ About JPNN Archived 2010-03-03 di Wayback Machine
- ↑ Jakarta Globe: Next Leader of PLN Already Drawing Fire Archived 2010-07-22 di Wayback Machine
- ↑ Koran Tempo - 22 November 2011 Archived 17 Désémber 2008 di Wayback Machine
- ↑ Erlangga Djumena (2011-10-19). "Dahlan Iskan, Anak Miskin yang Jadi Menteri". Kompas.com. http://bisniskeuangan.kompas.com/read/2011/10/19/07435355/Dahlan.Iskan.Anak.Miskin.yang.Jadi.Menteri. Diakses pada 19 October 2011
- ↑ "Katalog buku Ganti Hati di goodreads.com". Diakses tanggal 2011-07-26.
Tumbu kaluar
[édit | édit sumber]- (id) Biografi Dahlan Iskan dalam Tokoh Indonesia Archived 2012-06-19 di Wayback Machine
- (id) Blog about Dahlan Iskan (fan made)