Extremely low frequency

Ti Wikipédia, énsiklopédia bébas basa Sunda
Luncat ka: pituduh, sungsi

Extremely low frequency (ELF) nyaéta pita frékuénsi radio mimiti 3 nepi ka 30Hz.

Pamangpaatan[édit | sunting sumber]

ELF dipaké ku Angkatan Laut Amérika Sarikat pikeun ngalaksanakeun telekomunikasi jeung kapal selam nu aya di handapeun beungeut cai. Alatan konduktivitas listrik cai uyah, kapal selam teu katembus ku kalolobaan komunikasi éléktromagnétik. Tapi sinyal dina ELF bisa nembus leuwih jero. Tingkat transmisi data anu pondok dina ukuran sababaraha aksara pér menit, ngawatesan pamakéanana pikeun saluran komunikasi. Umumna sinyal ELF dipaké pikeun maréntahkeun kapal selam ambéh indit kana jejero periskop sarta ngamimitian sawatara wangun kontak séjénna. Tempo ogé: komunikasi jeung kapal selam.

Salah sahiji pasualan anu mecenghul waktu mancarkeun frékuénsi ELF nyaéta ukuran anteneu. Pikeun ngirimkeun talatah internasional ku cara maké frékuénsi ELF, diperlukeun anteneu nu kacida badagna. AS miara 2 tempat, di Leuweung Nasional Chequamegon, Wisconsin sarta Leuweung Nagari Escanaba, Michigan, nepi ka kabéhanana dirakrak dina bulan Séptémber 2004 katompernakeun. Kadua tempat éta ngagunakeun kawat listrik panjang minangka anteneuna, dina jarak ti 14 nepi ka 28 mil (22,5 nepi ka 45 kilométer). Alatan anteneu anu henteu éfisién, mangka diperlukeun sajumlah gedé tanaga listrik pikeun ngajalankeun sistem ELF.

Geus aya sawatara kaprihatinan ngeunaan akibat ékologi anu dihasilkeun ku pamakéan frékuénsi ELF. Dina taun 1984 saurang hakim féderal ngeureunkeun konstruksi anteneu anu merlukeun leuwih réa studi lingkungan sarta kaséhatan. Pamadegan ieu ditampik ku pangadilan banding féderal ku alesan yén Angkatan Laut AS nganyatakeun geus méakkeun leuwih ti 25 juta dolar pikeun mariksa éfék médan éléktromagnétik kalayan hasil anu némbongkeun yén éfékna sarua jeung éfék anu diciptakeun ku jalur distribusi tanaga listrik standar. Pamadegan ieu teu ditarima ku unggal jelema.

Pamancar nu dijalankeun dina frékuénsi 20 Hz ogé kapanggih di méteran inspéksi jalur pipa. Sinyal anu dikirimkeun mindeng dipaké pikeun ngalacak méteran inspéksi jalur pipa waktu macét dina jalur pipa.

Patén[édit | sunting sumber]

Tempo ogé[édit | sunting sumber]

Rujukan sarta tumbu luar[édit | sunting sumber]

Citakan:Spektrum radio