Létah

Ti Wikipédia, énsiklopédia bébas basa Sunda
Luncat ka: pituduh, sungsi
létah manusa

Létah nya éta alat indera anu miboga fungsi pikeun ngarasakeun rangsangan tina barang-barang anu asup kana baham urang.[1] Létah bisa ngarespon sagala rupa rasa kayaning amis, pait, haseum, jeung asin.[1] Urang bisa ngarasakeun kadaharan atawa inuman alatan ayana létah.[1] Bagéan létah anu hareup fungsina pikeun ngarasakeun rasa asin, bagéan anu palebah sisi pikeun rasa haseum, bagéan sisi hareup boga fungsi pikeun ngarasakeun rasa amis sarta bagian létah anu tukang pikeun rasa pait.[1]
Létah miboga reseptor husus anu patali jeung rangsangan kimia.[2] Létah mangrupa organ anu disusun ku otot-otot.[2] Bagéan létah nu luhur dilapis ku épitelium anu loba ngandung kelenjar lendir, sarta reseptor pengecap mangrupa sirung pengecap.[2] Sirung pengecap diwangun tina sajumplukan sél sénsori anu miboga jendulan kawas buuk.[2] Bagéan luhur létah pinuh ku jendulan (papila).[2] Aya tilu rupa jendulan, nya éta wangun benang, wangun rata anu dikuliling ku garis-garis, sarta wangun suung.[2] Sirung pengecap aya dina garis-garis papila nu wangunna rata, di palebah sisi papila wangunna siga suung, sarta di bagean luhur papila wangunna siga benang.[2]

Referensi[édit | sunting sumber]

  1. a b c d Lidah (id) (Diakses ping 2 November 2011)
  2. a b c d e f g Lidah (id) (Diakses ping 2 November 2011)