Limb Bizkit

Ti Wikipédia Sunda, énsiklopédi bébas
Konsér Limb Bizkit dina tur Unicorns N' Rainbows taun 2009

Limb Bizkit nyaéta grup musik rock asal Amerika Serikat anu dibentuk taun 1995 di Jacksonville, Florida, Amérika[1][2]. Personil Limb Bizkit ayeuna nyaéta Fred Durst (vokal), Wes Borland (gitar), Sam Rivers (bass), John Otto (drum) jeung DJ Lethal[2].

Personil[édit | édit sumber]

Fred Durst papanggih jeung Sam Rivers, terus Sam ngawanohkeun Fred ka dulurna, John Otto, ti harita maranéhna mulai latihan babarengan anu jadi awal mula kabentukna Limb Bizkit[1]. Harita Durst ngarékrut Waters Rob pikeun jadi gitaris, terus Limb Bizkit ngarilis 4 lagu demo[2]. Sanggeus Waters Rob kaluar, Durst nitah babaturanna pikeun mawa Wes Borland sangkan asup ka Limb Bizkit, Durst kataji nalika Wes manggung dina hiji klub[2]. DJ Lethal asup ka Limb Bizkit nalika Limb Bizkit ngilu dina tur Deftones jeung House of Pain[2]. Wes pernah ninggalkeun Limb Bizkit sabada album kiatulu dirilis lantaran konflik jeung Durst, terus posisina digantikeun ku Mike Smith, tapi Wes balik deui ka Limb Bizkit sabada konsér reuni[2]

Diskografi[édit | édit sumber]

Awalna, Limb Bizkit ngarilis album demo anu jadi album studiona kalayan judul THREE DOLLARS BILLS, Y'ALL$ anu dirilis taun 2007, najan ieu album bisa kasebut gagal[1]. Album kaduana dirilis taun 1999 anu judulna SIGNIFICANT OTHER kalayan single Nookie anu jadi top hit di radio[1]. Album CHOCOLATE STARFISH AND THE HOT DOG FLAVOURED WATERS rilis tanggal 17 Oktober 2000, ieu album kasinugrahan platinum emas 6 kali[1]. Album kaopatna RESULTS MAY VARY dirilis tanggal 23 Séptémber 2003, ieu album meunang réspon anu kawilang teu alus[1]. Sabada ngarilis album GREATEST HITZ (2005), Limb Bizkit vakum nepi ka taun 2009[1][2]. Sabada tur réuni Unicorns N' Rainbows tanggal 20 Méi 2009, Limb Bizkit ngumpul deui terus ngarilis album GOLD COBRA taun 2010 kamari[1][2].

Référénsi[édit | édit sumber]

  1. a b c d e f g h Limb Bizkit-Kapanlagi.com(diaksés tanggaln 9 Nopémber 2011)
  2. a b c d e f g h (en)Limb Bizkit-Last.com(diaksés tanggaln 9 Nopémber 2011)