Sinar kosmik

Ti Wikipédia Sunda, énsiklopédi bébas


Dina astrofisika, sinar kosmik nyaéta radiasi ti partikel nu boga muatan nu énergina gedé anu asalna ti luar atmosfir Bumi. Sinar kosmik bisa mangrupa éléktron, proton malah ogé inti atom kawas beusi atawa anu leuwih beurat ti éta. Lolobana partikel-partikel kasebut asalna tina prosés-prosés énergi nu gedé dina jero galaksi, contona kawas supernova. Dina lalampahanana, sinar kosmik interaksi jeung médium antarbintang sarta satuluyna jeung atmosfir Bumi saméméh ngahontal detéktor. Ampir 90% sinar kosmik anu anjog ka pabeungeutan Bumi nyaéta proton, kira-kira 9% partikel alfa jeung 1% éléktron.