Umang

Ti Wikipédia, énsiklopédia bébas basa Sunda
Luncat ka: pituduh, sungsi
Umang
Umang di Taman Nasional Corcovado, Kosta Rika
Klasifikasi ilmiah
Kingdom: Animalia
Phylum: Artropoda
Subphylum: Crustacea
Class: Malacostraca
Order: Decapoda
Suborder: Pleocyemata
Infraorder: Anomura
Superfamily: Paguroidea
Latreille, 1802
Famili

Umang mangrupakeun Dékapoda crustacea ti superfamili Paguroidea, béda ti keuyeup dina infraordo Brachyura. Kalolobaan umang ngeusian cangkang pikeun ngajaga abdoménna nu leuleus. Nu geus kanyahoan aya kana 500 spésiés di sakuliah dunya; najan lolobana akuatik, aya ogé sababaraha spésiés darat.

Umang laut nu ilahar dipiara[édit | sunting sumber]

Aya sababaraha spésiés umang nu ilahar aya di pasar akuarium laut. Mangpaat spésiés omnivora atawa hérbivora ieu nyaéta pikeun ngahakanan gang-gang jeung pasésaan lianna.

Umang Karang Beureum (Red Reef hermit crab, Paguristes cadenati), mangrupakeun spésiés nu payu di pasar, kusabab lucu: awakna beureum caang, lebah panonna konéng, sarta ukuranana tetep leutik (kira 2-5 cm). Nu leuwih leutik di antarana umang sébra (sukuna coklat polét bodas), umang tip-beureum, jeung umang suku-bulao. Nu ilahar dikukut di AS mah umang Karibia (Coenobita clypeatus) jeung umang Pasipik (Coenobita compressus), sedengkeun di Éropa mah umang biasa (Pagurus bernhardus). Najan lolobana mah nu didagangkeun téh umang leutik, aya ogé nu bisa tumuwuh nepi ka badag (nu ti basisir pasipik mah bisa nepi ka 30 cm) sarta sok ngahakanan batu karang jeung sato lianna.

Umang biasana paling cocog hirup dina salinitas antara 1,023 jeung 1,025, sarta suhu antara 4-14°C (spésiés sedeng) nepi ka 24-27 °C (spésiés tropis), katut gang-gang sarta rupa-rupa 'imah' sangkan umangna bisa milih nu cocog.

Umur[édit | sunting sumber]

Umur hirup umang rupa-rupa pisan. Mun nu dikandangan, umurna dua nepi ka lima taun, tapi mun dipiara bener-bener mah bisa nepi ka likuran taun atawa leuwih. Kungsi ogé kabéjakeun aya umang nu umurna nepi ka 70 taunan, tapi ieu mah ukur kasus husus.

Baca ogé[édit | sunting sumber]

Umang ti Teluk Muangtai

Rujukan[édit | sunting sumber]

Tumbu kaluar[édit | sunting sumber]