Abdullah bin Nuh

Ti Wikipédia, énsiklopédia bébas
Jump to navigation Jump to search

Abdullah bin Nuh (Cianjur, 30 Juni 1905-Bogor, 26 Oktober) nyaèta Ulama, panyair dina basa Arab, dosèn, panyiar radio, pangarang buku dina basa Arab, Indonèsia, jeung Sunda. Meunang atikan ti bapana, K.H. Radèn Nuh nu ngawangun sakola I'Anat at-Talib al-Miskin, kukituna manehna bisa ngawasaan basa Arab dina yuswana nu anom kènèh. Salian ti èta manèhna ngatikan basa Walanda jeung Inggris sacara otodidak. Keur yuswana 17 taun (1922) manèhna ngajar di Hadramaut School di Surabaya bari jadi rèdaktur minggonan basa Arab Hadramaut. Taun 1926 manèhna indit ka Mesir pikeun diajar di Fakultas Syari'ah Universitas Al-Azhar salila 2 taun. Nalika balik ka lemah cai, manèhna ngajar di Cianjur jeung Bogor. Keur jaman Jepang (1942-1945), manèhna jadi anggota PETA. Sanggeus proklamasi kamerdekaan mingpin BKR nu satuluyna jadi TNI. manèhna kapilih jadi anggota KNIP nu peranna jadi lembaga legislatif di Yogyakarta, bari jadi Pupuhu Sèksi Siaran Basa Arab RRI Yogyakarta jeung dosèn basa Arab di UI. Sanggeus Walanda ngaku ka kadaulatan RI jeung ibu kota pindah ka Jakarta deui. Abdullah pindah ka Jakarta jadi Pupuhu Sèksi Siaran Basa Arab RRI (1950-1964). Tuluy jadi dosèn basa Arab FSUI, Jakarta (1964-1967). Taun 1969, manèhna ngawangun Majelis Al-Ghazali jeung Pesantrèn Al-Ihya di Bogor, tempat manèhna ngadidik calon-calon ulama. Salaku ulama manèhna dihormatan ku kalangan intèlèktual. Abdullah nulis buku dina basa Arab, contona a.l Al'Alam al-Islami (Dunia Islam).[1]

Rujukan[édit | édit sumber]

  1. Rosidi, Ajip (2000). Ensiklopedia Sunda. Indonesia: Pustaka Jaya. ISBN 9794192597.