Andrea Hirata
Andréa Hirata Seman Said Harun lahir di pulo Belitung tanggal 24 Oktober 1982.[1] Manéhna dipikawanoh minangka pangarang novel anu karyana dijadikeun filmn tur téater musikal.[1] Andréa Hirata téh lulusan S1 Ékonomi Universitas Indonésia.[1] Sanggeus ngaréngsékeun studi S1 di UI, lalaki anu kiwari masih digawé di kantor puseur PT Telkom ieu meunang béasiswa Uni Éropa pikeun studi Master of Science di Université de Paris, Sorbonne, Perancis jeung Sheffield Hallam University, United Kingdom.[1]
Tésis Andréa dina widang ékonomi télékomunikasi meunang pangajén ti éta dua universitas sarta manéhna lulus cum laude.[1] Tésis éta geus diadaptasi kana Basa Indonésia sarta mangrupa buku téori ékonomi télékomunikasi kahiji anu ditulis ku urang Indonésia.[1] Buku éta geus medar minangka référénsi Ilmiah.[1] Nu nulis Indonésia anu asalna ti Pulo Belitong, Propinsi Bangka Belitung ieu masih hirup melajang nepi ka ayeuna.[1] Status lajang ngabalukarkeun manéhna meunang gosip nu teu pikangeunaheun.[1] Alatan dina bulan Nopémber 2008, mecenghul pangakuan ti saurang awéwé, Roxana anu ngaku minangka urut pamajikanana.[1] Pamustunganana kaungkab yén Andréa memang kungsi nikah jeung Roxana dina 5 Juli 1998, tapi geus dibatalkeun dina taun 2000.[1] Alasan Andréa ngalakonan pembatalan ieu alatan Roxana nikah waktu dirina masih berstatus pamajikan batur.[1]
Ngaran Andréa Hirata Seman Said Harun melejit seiring kesuksesan novel kahijina, Laskar Pelangi.[2] Lalaki ieu beuki kaceluk basa novel kahijina anu jadi best seller diangkat ka layar lebar ku duo sinéas Riri Riza sarta Mira Lesmana.[2] Anjeunna leuwih dipikawanoh kalayan ngaran Andréa Hirata.[2] Sajaba Laskar Pelangi, lulusan S1 Ékonomi Universitas Indonésia ieu ogé nulis Sang Pemimpi sarta Edensor, sarta Maryamah Karvop.[2] Kaopat novel kasebut kagabung dina tetralogi.[2]
Suksés kalayan novel tetralogi, Andréa Hirata ngarambah dunya film.[2] Novelna anu kahiji, geus diangkat ka layar lebar, jeung judul sarua, Laskar Pelangi dina 2008.[2] Kalayan Riri Riza minangka sutradara sarta Mira Lesmana produser, film ieu jadi film anu pang fenomenal di 2008.[2] Sarta jelang ahir taun 2009, Andréa babarengan Miles Films sarta Mizan Production balik merilis sekuelna, Sang Pemimpi.[2]
Referensi
[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |