Babak (téater)
Babak mangrupa unsur anu aya dina carita drama, carita sandiwara, atawa pagelaranana[1]. Salakon téh biasana dibagi jadi sababaraha babak ; tapi aya ogé drama anu ngan saukur sababak. [1][2] Dina téks tinulis biasana sok ditétélakeun dibagi sababaraha babak éta lalakon téh, sarta dina ganti babak sok disebut babak kasabaraha. Ari dina pagelaran, cirina ganti babak téh nyaéta ku ganti tempat (latar), aya selang waktu (pegat), jeung ganti jejer épisodeu. [1] Unggal babak diwangun ku sababaraha adengan[1]. Ganti adegan lamun ganti jejer paguneman, bisa jadi lantaran asup pamaén séjén atawa aya kajadian séjén; tapi henteu ganti témpat, henteu atwa waktu témpat, henteu aya waktu pegat, sarta henteu ganti épisodeu. [1] Dina pagélaran sandiwara biasana ganti babak téh dibarengan ku turunna layar. [1] Istilah babak sinonim jeung act dina basa Inggris, ari adegan sarua jeung scene[1]. Dina karawitan (tatabeuhan) anu disebut sababak téh hartina réngsé salagu[1]. Babak nyaéta sabagian tina drama anu dilalakonkeun ku para pamaén, para pamaén pasti bakal mintonkeun sababaraha adegan unggal babak anu geus disiapkeun ku sutradara. Babak jadi sabagian lalakon tina hiji drama atawa film. Dina hiji drama biasana ngandung sababaraha babak, dina babak éta aya adegan anu diperankeun ku pamaén. Adegan dina babak mangrupa gambaran tina suasana anu jadi rangkaian tina babak-babak éta[3].
Rujukan
[édit | édit sumber]- 1 2 3 4 5 6 7 8 Iskandarwassid (2016). KAMUS ISTILAH SASTRA SUNDA. Bandung: geger sunten. hlm. 26–27.
- ↑ Luthfiyani, Lulu (2016). Kamus Genggam Bahasa SundaLuthfiyani. Jakarta: Frasa Lingua. hlm. 23. ISBN 9786026475275. Disungsi25 Désémber 2024
- ↑ "Pengertian Babak". Pengertian Menurut Para Ahli (Dina basa Inggris Amerika). 2015-04-03. Diaksés tanggal 2017-10-14. Archived 2017-09-11 di Wayback Machine