Babasah

Ti Wikipédia Sunda, énsiklopédi bébas

Babasah nyaéta kaén panjang (sinjang kebat) anu dipaké ku awéwé nalika keur mandi di walungan atawa pancoran, gunana pikeun nutupan aurat[1]. Cara makéna di luhureun dada, di handap tuur. Salian ti éta, babasah ogé dipaké ku awéwé dina upacara tingkeban (nujuh bulan, babarit)[1]. Numutkeun tradisi, kaén-kaén keur babasah kudu 7 lapis. Unggal sasiuk cai dikucurkeun ka awéwé nu keur kakandungan, kaénna kudu diganti[1]. Mandi kembang téh caina kudu tujuh kali siukan, ku kituna kaén minangka panahan atawa panutup aurat kudu 7 lapis[1]. Wangenan lain tina babasah nyaéta lendir anu mimiti kaluar nalika rék ngababarkeun orok[1]. Lamun paraji tos ninggali babasah kaluar, manéhna boga pamadegan yén orok téréh kaluar.[1]

Rujukan[édit | édit sumber]

  1. a b c d e f Rosidi, Ajip (2000). Ensiklopedia Sunda. Indonesia: Pustaka Jaya. ISBN 9794192597.