Lompat ke isi

Bakung lancah beureum

Ti Wikipédia Sunda, énsiklopédi bébas
Lycoris radiata
Klasifikasi ilmiah
Karajaan:
Ordo:
Kulawarga:
Génus:
Spésiés:

Lycoris radiata, umumna dikenal ku bakung lancah beureum, mangrupa salah sahiji kembang dina famili Amaryllidaceae[1]. Kembang ieu awalna ti China, Koréa, sareng Népal, dikenalkeun di ogé di Jepang jeung sabudeureun dunya, khususna Amérika Sarikat[2]. Kembang ieu diperkirakeun dinaturalisasi di Seychéll jeung di Kapuloan Ryukyu. Kembang ieu mekar di akhir halodo nepi awal usum gugur, jeung biasana dikaitkeun ku ayana usum ngijih[3][4][5].

Déskripsi[édit | édit sumber]

Anatomi

Kembang bakung lancah beureum, anu mekar

Bakung lancah beureum mangrupa tutuwuhan tahunan (perennial) nu ngabogaan umbi lapis jeung kembang beureum burahay. Biasana, kembang tutuwuhan ieu muncul dina sasih Agustus akhir nepi ka Septémber awal, saméméh daun pinuh mekar, dina bentangan 30-70 séntiméter tina taneuh. Opat nepi ka genep kembang nu panjangna kira-kira 2 inci kasusun dina bentuk payungan di tiap batang tutuwuhan[6].

Kandungan kimia

Umbi lapis tutuwuhan dina génus Lycoris , hususna L. radiata ngandung racun. Racun ieu timbul ku ayana senyawa alkaloid, nyaéta lycorine. Konsumsi umbi L. radiata nyebabkeun sababaraha komplikasi medis, saperti diaré, utah, rieut, jeung maot dina kasus anu serius[7]. Di samping efek racun, L. radiata ngandung senyawa alkaloid galantamine, anu miboga mangpaat keur ngubaran turunna fungsi kognitif. Di China, tutuwuhan ieu dipelak keur nyandak kandungan galantamine dina umbi lapisna, ku kituna bisa dipaké pikeun ngubaran panyakit Alzheimer[7].

Dina Budaya[édit | édit sumber]

Di Jepang, ngaran umum bakung lancah beureum nyaéta higanbana (ヒガンバナ, 彼岸花), hartina "kembang higan (Liburan Buddha dina mangsa ekuinoks musim ragrag)[8]. Bunga ieu jadi salah sahiji simbol budaya Jepang anu ngagambarkeum sumpingna musim ragrag. Ilaharna, bakung lancah beureum ieu digunakeun keur ngagebah hama saperti beurit jeung sato lainna dina sawah. Bagian umbi lapis na ngandung racun nu ngahindarkeun hama dina sawah[7]. Dina kabudayaan anu aya, panganut Buddha biasana ngarayakeun musim ragrag ku nanem kembang bakung lancah beureum dina nisan makam pikeun mihormat karuhun[9].

Rujukan[édit | édit sumber]

  1. "Asparagales". www.mobot.org. Diakses tanggal 2023-02-05. 
  2. "Lycoris radiata (L'Hér.) Herb. | Plants of the World Online | Kew Science". Plants of the World Online. Diakses tanggal 2023-02-05. 
  3. Knox, Gary W. (2011), Hurricane Lilies, Lycoris Species, in Florida, Environmental Horticulture Department, Florida Cooperative Extension Service, Institute of Food and Agricultural Sciences, University of Florida, diakses tanggal 2012-04-12  Archived 2021-04-19 di Wayback Machine
  4. Salah ngutip: Tag <ref> tidak sah; tidak ditemukan teks untuk ref bernama Evans_nd
  5. Salah ngutip: Tag <ref> tidak sah; tidak ditemukan teks untuk ref bernama Klingaman2000
  6. Equinox Flower Lycoris radiata. Equinox Flower - Lycoris radiata | North Carolina Extension Gardener Plant Toolbox. (n.d.). Retrieved December 5, 2022, from https://plants.ces.ncsu.edu/plants/lycoris-radiata/common-name/equinox-flower/
  7. a b c "ENH1038/EP255: Hurricane Lilies, Lycoris Species, in Florida". edis.ifas.ufl.edu. Diakses tanggal 2023-02-05.  Archived 2023-02-05 di Wayback Machine
  8. Inoue, Tomoharu; Nagai, Shin (2015). "Influence of temperature change on plant tourism in Japan: a case study of the flowering of Lycoris radiata (red spider lily)". Japanese Journal of Biometeorology 52 (4): 175–184. doi:10.11227/seikisho.52.175. https://www.jstage.jst.go.jp/article/seikisho/52/4/52_175/_article/-char/en/. 
  9. "Spiderlily, Red". Spiderlily, Red. Diakses tanggal 2023-02-09.