Benjamin Mangkoedilaga

Ti Wikipédia Sunda, énsiklopédi bébas
Benjamin Mangkoedilaga
Gumelar30 Séptémber 1937
Garut
Tilar dunya21 Méi 2015
PasanganDra. Roosliana Benjamin
Anak
  • Mada Dewi Yustika
  • Mada Dies Natalia
Kolotna
  • H. Mas Achmad Mangkoedilaga (Bapa)
  • Hj. E. Sukaesih Nataprawira (Ibu)

Benjamin Mangkoedilaga nyaéta salah sahiji hakim agung di Mahkamah Agung taun 2000-2002. Anjeunna lahir di Garut, tanggal 30 Séptémber 1937[1].

Karir[édit | édit sumber]

Saatos lulus studi ti Fakultas Hukum UI dina taun 1967, anjeunna diangkat jadi hakim di Pengadilan Negeri Rangkasbitung ti taun 1967 nepi 1974[2]. Tuluy, anjeunna ngalih ka Bali, ditugaskeun di Pengadilan Negeri Denpasar nepi taun 1979. Dina taun 1979, Benjamin balik deui ka Jakarta, jadi hakim di Pengadilan Negeri Jakarta Utara nepi ka taun 1982[1]. Saatos jadi Wakil Ketua Pengadilan Negeri Balé Bandung (1982-1987), anjeunna jadi Ketua Pengadilan Negeri Cianjur ti taun 1987 nepi 1991[1].

Waktos PTUN (Pengadilan Tata Usaha Negara) didirikeun taun 1991, anjeunna ditunjuk jadi Kepala PTUN Surabaya nepi 1993, tuluy jadi Kepala PTUN Jakarta nepi 1996[1]. Saatos éta, anjeunna jadi hakim tinggi di Pengadilan Tinggi Tata Usaha Negara (PTTUN) Medan dina taun 1996-1998 tuluy di PTTUN Jakarta taun 1998-1999[2].

Di taun 2000, Benjamin diangkat jadi Hakim Agung di Mahkamah Agung nepi 2002[2].

Salian ti aktivitas salaku hakim, Benjamin ogé kantos aktif di Komisi Nasional Hak Asasi Manusia (Komnas HAM), Badan Arbitrase Nasional, Dewan Pers, sareng Partnership to Support Governance Reform in Indonesia[2].

Pangajén[édit | édit sumber]

Di taun 1997, Benjamin narima Suardi Tasrif SH Award ti Aliansi Jurnalis Independen (AJI)[2].

Pupus[édit | édit sumber]

Benjamin pupus di Jakarta di tanggal 21 Mei 2015[3].

Rujukan[édit | édit sumber]

  1. a b c d Rosidi, Ajip (2003-12-01). Apa Siapa Orang Sunda (dalam Indonesian). Dunia Pustaka Jaya. ISBN 978-979-419-980-0. 
  2. a b c d e Liputan6.com. "Jejak Hakim Pemberani Benjamin Mangkoedilaga". liputan6.com (dalam Indonesian). Diakses tanggal 2021-09-13. 
  3. Media, Kompas Cyber. "Mantan Hakim Agung Benjamin Mangkoedilaga Berpulang". KOMPAS.com (dalam Indonesian). Diakses tanggal 2021-09-16.